ထိုင်းနိုင်ငံ အခြေစိုက် ကုမ္ပဏီများက မြန်မာနိုင်ငံတွင် ပုံနှိပ်လုပ်ငန်းနှင့်ပတ်သက်၍ ရင်းနှီးမြှုပ်နှံမှု ပြုလုပ်ရန် စိတ်ဝင်စားလျက်ရှိကြောင်း မြန်မာနိုင်ငံဆိုင်ရာ ထိုင်းစီးပွားရေး အကြံပေးဖြစ်သူ Mrs.Walikar Apayasiri က ပြောသည်။
"အခုလာတဲ့ ကုမ္ပဏီ ၂၂ ခုထဲက ကုမ္ပဏီ နှစ်ခု၊ သုံးခုလောက်က printing နဲ့ ပတ်သက်ပြီးတော့ မြန်မာနိုင်ငံမှာ ရင်းနှီးမြှုပ်နှံမှုလုပ်ဖို့ စိတ်ဝင်စားကြတယ်။ စက်မှုဇုန် တစ်ခုက printing နဲ့ ပတ်သက်တဲ့ ကုမ္ပဏီတစ်ခုကို သွားရောက် လေ့လာခဲ့ပါတယ်။ ထိုင်းကုမ္ပဏီ နှစ်ခု၊ သုံးခုလောက်က ဒီမှာလာပြီး ရင်းနှီးမြှုပ်နှံဖို့ စိတ်ဝင်စားတယ်။ ဒါပေမယ့် ဒီဘက်က industry ပိုင်းမှာ ဘယ်လိုမျိုး လိုအပ်ချက် ရှိလဲဆိုတာ လေ့လာရဦးမယ်" ဟု ၎င်းကပြောသည်။
မြန်မာနိုင်ငံရှိ ပုံနှိပ်နှင့် ထုတ်ဝေရေး ရင်းနှီးမြှုပ်နှံမှု ကဏ္ဍတွင် အရည်အသွေး ကောင်းမွန်သည့် စက်ပစ္စည်း ထုတ်ကုန်များ အသုံးပြုလာနိုင်မည်ဆိုပါက မြန်မာနိုင်ငံ၏ စက်မှုကဏ္ဍသည် တဖြည်းဖြည်း ဖွံ့ဖြိုး တိုးတက်လာမည် ဟုဆိုသည်။
မြန်မာနိုင်ငံတွင် ပုံနှိပ်နှင့် ထုတ်ဝေရေး လုပ်ငန်း လုပ်ကိုင်ဆောင်ရွက်နေသည့် လုပ်ငန်းရှင်များအနေဖြင့် ထိုင်းနိုင်ငံမှ လာရောက် ရင်းနှီးမြှုပ်နှံမည့် ကုမ္ပဏီများကို နည်းပညာအရ ယှဉ်ပြိုင်နိုင်သော်လည်း အရည်အသွေး ကောင်းမွန်သော စက်ပစ္စည်း ကိရိယာများကို ရင်းနှီးမြှုပ်နှံနိုင်ရန် လိုအပ်ချက် ရှိနေသေးကြောင်း Myanmar Printers & Publishers Association ၏ President ဖြစ်သူ ဦးမင်းဟန်က ပြောသည်။
ပြည်တွင်း ပုံနှိပ်နှင့် ထုတ်ဝေရေးလုပ်ငန်းရှင် အချို့သည် ဂျပန်နိုင်ငံမှ အသုံးပြုပြီးသား စက်ပစ္စည်း ကိရိယာများ ကိုသာ ၀ယ်ယူ အသုံးပြုနိုင်သည့် အနေအထား ရှိခြင်းကြောင့် ပြည်တွင်း ဘဏ်လုပ်ငန်း စနစ်ကို ယခုထက် ပိုကောင်းမွန်အောင် လုပ်ဆောင်ပေး သင့်သည် ဟုဆိုသည်။
လက်ရှိ မြန်မာနိုင်ငံ တ၀ှမ်းလုံးတွင် ပုံနှိပ်နှင့် ထုတ်ဝေရေး လုပ်ငန်း လုပ်ကိုင်သူပေါင်း ၁၂၀၀ ကျော်ရှိပြီး ယင်းလုပ်ငန်းများမှာ ရန်ကုန်တိုင်း ဒေသကြီးတွင်သာ အများဆုံး လုပ်ကိုင်လျက် ရှိကြောင်း သိရသည်။
ထို့ပြင် မြန်မာနိုင်ငံမှ စီးပွားရေး လုပ်ငန်းရှင်များမှ နှစ်နိုင်ငံ အကျိုးတူ လုပ်ငန်းများ ပူးပေါင်း လုပ်ကိုင် နိုင်စေရေး၊ ရင်းနှီးမြှုပ်နှံမှုကဏ္ဍ ပိုမိုတိုးတက် ကောင်းမွန်လာစေရေးနှင့် Printing & Packaging လုပ်ငန်းကို စိတ်ဝင်စားကြသည့် စီးပွားရေး လုပ်ငန်းရှင်များ အပါအ၀င် စီးပွားရေး စတင် လုပ်ကိုင်ကြမည့် လူငယ်များအနေဖြင့်ထိုင်းနိုင်ငံမှ စီးပွားရေး လုပ်ငန်းရှင်များနှင့် တွေ့ဆုံကာ ဆွေးနွေး ညှိနှိုင်းစေရန် စသည့် အချက်များဖြင့် ရည်ရွယ်၍ Thai-Myanmar Business Matching on Printing & Packaging Innovation 2019ကို ယခုလ တတိယပတ်က ရန်ကုန်မြို့ရှိ Novotel Hotel တွင် ကျင်းပပြုလုပ်ခဲ့သည်။
0 comments:
Post a Comment