ရိုဟင်ဂျာလူမျိုးအနေနဲ့အသိအမှတ်မပြုရင် သူတို့ရဲ့အမိမြေမြန်မာနိုင်ငံကို ပြန်ဖို့ငြင်းတယ်လို့ ဘင်္ဂလားဒေ့ရ်ှမှာခိုလှုံနေကြတဲ့ ဘင်္ဂါလီ(မူရင်းတွင်ရိုဟင်ဂျာဟုဖော်ပြထား)တွေက တနင်္ဂနွေနေ့မှာ မြန်မာအရာရှိကြီးတွေနဲ့တွေ့ဆုံပြီး နေရပ်ပြန်ရေးဆွေးနွေးရာမှာပြောပါတယ်။
မြန်မာအရာရှိကြီးတွေအခုတစ်ကြိမ်ဘင်္ဂလားဒေ့ရ်ှနိုင်ငံ၊ ကော့က်စ်ဘဇားခရိုင်မှာရှိတဲ့စခန်းတွေမှာ နေရပ်ပြန်ရေးဆွေးနွေးနေတာဟာ ဒုတိယတစ်ကြိမ်ဖြစ်ပါတယ်။
ပြီးခဲ့တဲ့အောက်တိုဘာတုန်းက မြန်မာကိုယ်စားလှယ်အဖွဲ့က ဘင်္ဂါလီခေါင်းဆောင်တွေနဲ့တွေ့ဆုံဆွေးနွေးခဲ့ရမှာတော့ ဘင်္ဂါလီ(မူရင်းတွင်ရိုဟင်ဂျာဟုဖော်ပြထား)တွေက နေရပ်ပြန်ဖို့ငြင်းဆိုခဲ့ပါတယ်။
အခုတစ်ကြိမ်မြန်မာကိုယ်စားလှယ်အဖွဲ့ကို နိုင်ငံခြားရေးဝန်ကြီးဌာနအမြဲတမ်းအတွင်းဝန်ဦးမြင့်သူဦးဆောင်ခဲ့တာဖြစ်ပြီး စနေနဲ့တနင်္ဂနွေနေတို့မှာ ကော့က်ဘဇားက လုံခြုံရေးတင်းကြပ်ထားတဲ့စခန်းတွေမှာ ဘင်္ဂါလီ(မူရင်းတွင်ရိုဟင်ဂျာဟုဖော်ပြထား)ခေါင်းဆောင် ၃၅ ယောက်နဲ့တွေ့ဆုံခဲ့တာပါ။
ပြန်မလာခင်မှာ သူတို့ကို လူမျိုးစုတစ်ခုအနေနဲ့အသိအမှတ်ပြုပြီး နိုင်ငံသားဖြစ်ခွင့်ပေးစေချင်တယ်လို့ ဘင်္ဂါလီ(မူရင်းတွင်ရိုဟင်ဂျာဟုဖော်ပြထား)ခေါင်းဆောင်တွေက တောင်းဆိုပါတယ်။
“ကျွန်တော်တို့ကို ရိုဟင်ဂျာတွေအနေနဲ့ အသိအမှတ်မပြုရင် ကျွန်တော်တို့ပြန်လာမှာမဟုတ်ဘူးလို့ သူတို့(မြန်မာကိုယ်စားလှယ်အဖွဲ့)ကို ကျွန်တော်တို့ပြောခဲ့ပါတယ်။” လို့ တွေ့ဆုံမှုတွေမှာပါဝင်ခဲ့တဲ့ဘင်္ဂါလီခေါင်းဆောင် ဒေး မိုဟာမက်က ရိုက်တာသတင်းအေဂျင်စီကို ဖုန်းကတဆင့်ဖြေကြားခဲ့ပါတယ်။
တရားမျှတမှု၊ နိုင်ငံတကာအကာအကွယ်တွေနဲ့ သူတို့ရဲ့မူလမြေတွေ၊ ရွာတွေကိုပြန်ဖို့တောင်းဆိုချက်တွေမရမချင်း မြန်မာနိုင်ငံဆီပြန်လာမှာမဟုတ်ဘူးလို့လည်း မိုဟာမက်က ပြောပါတယ်။
“နိုင်ငံသားဖြစ်ခွင့်ရချင်တယ်။ ကျွန်တော်တို့ရဲ့အခွင့်အရေးတွေရချင်တယ်။ သူတို့(မြန်မာကိုယ်စားလှယ်အဖွဲ့)ကို မယုံဘူး။ နိုင်ငံတကာအကာအကွယ်တွေရှိနေမှပဲ ကျွန်တော်တို့ပြန်ကြမယ်။ ကျွန်တော်တို့ပိုင်တဲ့မြေတွေဆီ ကျွန်တော်တို့ပြန်မှာပါ။ ခိုလှုံရေးစခန်းတွေမှာပဲ တစ်သက်လုံးနေသွားမှာမဟုတ်ဘူး။”လို့လည်း ပြောပါတယ်။
ပြီးခဲ့တဲ့နိုဝင်ဘာမှာ ဘင်္ဂါလီ(မူရင်းတွင်ရိုဟင်ဂျာဟုဖော်ပြထား)တွေက မြန်မာနိုင်ငံဘက်ပြန်ဖို့ သဘောမတူခဲ့လို့ နေရပ်ပြန်ရေးနည်းလမ်းတကျဆောင်ရွက်မှုတွေတစ်ဆို့ခဲ့ပါတယ်။
နေရပ်ပြန်ရေးအစီအစဉ်တွေအကြီးအကျယ်တစ်ဆို့နေချိန်မှာ ဘင်္ဂါလားဒေ့ရ်ှက ဘင်္ဂါလီတွေကို ဘင်္ဂါလားပင်လယ်အော်ထဲမှာရှိတဲ့ကျွန်းတစ်ကျွန်းကို ပြောင်းရွှေ့နေရာချထားပေးဖို့ စဉ်းစားနေပေမဲ့ အဲဒီကျွန်းက ဆိုင်ကလုန်းမုန်တိုင်းတွေဝင်လေ့ရှိတဲ့နေရာမို့လို့ အကြပ်အတည်းသစ်တွေတွေ့နိုင်တယ်လို့ တချို့က ထုတ်ပြောထားပါတယ်။
Source-Reuters
Photo- Rising BD
0 comments:
Post a Comment