ပြည်သူတွေကိုယ်တိုင် လိုလိုလားလား စနစ်တကျ အခွန်ထမ်းဆောင်ချင်တဲ့ စိတ်ဓာတ်တွေကို ဖော်ထုတ်ရာမှာ အားနည်းချက်တွေ ရှိနေဆဲဖြစ်ကြောင်း ကယားပြည်နယ် ၀န်ကြီးချုပ် ဦးအယ်လ်ဖောင်းရှိုကပြောပါတယ်။
မြန်မာနိုင်ငံမိုဘိုင်းလုပ်ငန်းရှင်များအသင်း ပထမအကြိမ်အသင်းသားစုံညီပွဲအခမ်းအနားကို ဇူလိုင် ၂၉ ရက် မွန်လွဲပိုင်းက လွိုင်ကော်မြို့၊ Famous Hotel မှာ ပြုလုပ်ရာမှာပြောသွားတာပါ။
“နှစ်ပေါင်းများစွာ၊ စနစ်ပေါင်းများစွာရဲ့ အားနည်းချက်တွေကြောင့် ပြုပြင်ပြောင်းလဲမှုတွေ စတင်လုပ်ဆောင်မယ်ဆိုပါက စိန်ခေါ်မှုတွေ အနည်းအကျဉ်းတွေ့ရမှာဖြစ်ပါတယ်။ ဒီစိန်ခေါ် မှုတွေကို ချစ်ခြင်းမေတ္တာကိုအခြေခံပြီး အတူတူပူးပေါင်းဖြတ်ကျော်ရမှာ ဖြစ်တယ်”လို့ ၀န်ကြီးချုပ်က ပြောပါတယ်။
ဒီအခမ်းအနားမှာ မြန်မာနိုင်ငံမိုဘိုင်းလုပ်ငန်းရှင်များအသင်းနဲ့ ကယားပြည်နယ်မိုဘိုင်း လုပ်ငန်းရှင်များအသင်းတို့က နိုင်ငံတော်အခွန်ရရှိရေးနဲ့ ပတ်သက်ပြီး အခွန်ဆိုင်ရာ ရှင်းလင်းတာတွေ ပြုလုပ်ခဲ့ပါတယ်။
ပြည်နယ်ပြည်တွင်းအခွန်များဦးစီးဌာန ပြည်နယ်မှူး ဦးကျော်ဟိုးလှိုင်ကတော့ မိုဘိုင်းဖုန်းတွေအအပေါ် အခွန်ဆိုင်ရာ ကောက်ခံမှုအခြေအနေတွေနဲ့ ပြစ်မှုပြစ်ဒဏ်တွေ ကို ရှင်းလင်းတင်ပြခဲ့ပါတယ်။
မြန်မာနိုင်ငံမိုဘိုင်းလုပ်ငန်းရှင်များအသင်းဥက္ကဋ္ဌ ဦးမျိုးမင်းအောင်ကလည်း ပထမအကြိမ် အသင်းသား စုံညီပွဲအခမ်းအနားနဲ့ အခွန်ဆိုင်ရာ ရှင်းလင်းပွဲဖြစ်ပေါ်လာမှုနဲ့ ပတ်သက်ပြီး ပြောကြားခဲ့ပါတယ်။
ဒီအခမ်းအနားမှာ ကယားပြည်နယ်ဝန်ကြီးချုပ် ဦးအယ်လ်ဖောင်းရှိုနဲ့ အစိုးရအဖွဲ့ဝင် ၀န်ကြီးတွေ ပြည်နယ်ပြည်တွင်းအခွန်များ ဦးစီးဌာနမှ တာဝန်ရှိသူတွေနဲ့ ပြည်နယ်အတွင်းရှိ မိုဘိုင်းလုပ်ငန်းရှင်တွေ တက်ရောက်ခဲ့ကြပါတယ်။
DVB
0 comments:
Post a Comment