ရွှေတိဂုံစေတီတော်တွင် ဘဏ္ဍာတော်ငွေကျပ် ၇၈ ဒသမ ၆၉၁ ဘီလျံနှင့် အမေရိကန်ဒေါ်လာ ၁၅ ဒသမ ၉ သန်း ရှိကြောင်း ဘဏ္ဍာတော်ထိန်းဂေါပကအဖွဲ့၏ ထုတ်ပြန်ချက်အရ သိရသည်။
အဆိုပါ ရွှေတိဂုံစေတီတော်၏ ဘဏ္ဍာတော်ငွေမှာ ဖေဖော်ဝါရီ ၂၈ ရက်အထိ အခြေအနေဖြစ်ကြောင်း သိရသည်။
ရွှေတိဂုံစေတီတော် ဘဏ္ဍာတော်ထိန်း ဂေါပကအဖွဲ့ဝင် ဦးသောင်းထိုက်က “ဘဏ္ဍာတော်ငွေနဲ့ ပတ်သက်လို့လည်း ကျွန်တော်တို့ စည်းကမ်းတကျ ဆောင်ရွက်ထားပါတယ်။ နှစ်အလိုက် ရသုံးခန့်မှန်းခြေငွေစာရင်းရေး ဆွဲပါတယ်။ တောဘုရားလို့ပြောရင် ကန်တော့ပါ။ ရသမျှငွေသိမ်း သုံးစရာရှိ ထုတ်သုံးမဟုတ်ပါဘူး။ ကျွန်တော်တို့အရင် ၂၀၁၈ ၊ ၂၀၁၇၊ ၂၀၁၆ တုန်းက ရတဲ့ရငွေအားလုံး၊ သုံးငွေအားလုံးကို ရသုံးခန့်မှန်းခြေရေးဆွဲပြီးတော့မှ သုံးစွဲခဲ့တာဖြစ်တယ်။ အခု ၂၀၁၉ ခုနှစ် ဇန်နဝါရီလကနေစပြီး ဒီဇင်ဘာအထိ အလှူရရှိတဲ့ငွေ၊ ကောက်ခံရရှိတဲ့ငွေ အားလုံးကို ရငွေအဖြစ် တွက်ချက်ပြီးတော့ သုံးငွေခန့်မှန်းခြေကိုလည်း တွက်ချက်ထားပြီးတော့ ရငွေသုံးငွေခန့်မှန်းခြေအတိုင်း စနစ်တကျသုံးစွဲပါတယ်” ဟု ပြောကြားသည်။
ရွှေတိဂုံစေတီတော်၏ ဘဏ္ဍာတော်ငွေကို ဘဏ်တွင် စာရင်းရှင်အပ်နှံထားသော ငွေပမာဏ ၂၆၇၃ သန်း၊ ငွေစုစာအုပ်များ (ငွေစုဘဏ်)၏ ငွေပမာဏ သန်း ၆၄၄၉၀၊ ငွေစုလတ်မှတ်များ၏ တန်ဖိုးမှာ ၈၅၂၈ သန်း၊ ဘဏ်အပ်ငွေ (Fixed Deposit) ပမာဏမှာ သန်း ၃၀၀၀ ရှိပြီး စုစုပေါင်း ကျပ် ၇၈၆၉၁ သန်း( ၇၈ ဒသမ ၆၉၁ ဘီလျံ) ရှိကြောင်းနှင့် နိုင်ငံခြားငွေအမေရိကန် ဒေါ်လာ ၁၅ ဒသမ ၉ သန်းရှိကြောင်း သိရသည်။
အဆိုပါ ဘဏ္ဍာငွေစာရင်းများ တိကျမှန်ကန်မှုရှိစေရန်အတွက် နှစ်စဉ် ရန်ကုန်တိုင်း ဒေသကြီး စာရင်းစစ်ချုပ်ရုံးက စစ်ဆေးဆောင်ရွက်ပေးကြောင်း ရွှေတိဂုံစေတီတော် ဘဏ္ဍာတော်ထိန်း ဂေါပကအဖွဲ့မှ သိရသည်။
Eleven Media Group
0 comments:
Post a Comment