တက္ကသိုလ်ဝင်စာမေးပွဲကို အသက် ၇၃ နှစ်အရွယ်ကျမှ ပြန်ဖြေဆိုခဲ့တဲ့ မန္တလေးက ဦးစိုင်းအောင်ညွန့်လည်း ဒီကနေ့မှာတော့ ဘာသာရပ်အားလုံးကို အောင်မြင်စွာဖြေဆိုပြီးစီးခဲ့ပြီဖြစ်ပါတယ်။ ဒီကနေ့ ဘာ သာရပ်အားလုံးဖြေဆိုမှုအပြီးမှာတော့ သူ့အနေနဲ့စာမေးပွဲကို အမှတ်နည်း နည်းနဲ့သာအောင်နိုင်တယ်လို့ သူကခန့်မှန်းပြောဆိုခဲ့ပါတယ်။
”ဖြေနိုင်တယ်ဆိုပေမယ့်လဲ ပါးပါးလေးပဲအောင်နိုင်မှာပါ။ အောင်ရင်လည်းအမှတ်တအားနည်းမယ်” လို့ သတင်းထောက်တွေရဲ့မေးမြန်းမှုအပေါ် သူကပြန်ဖြေပေးသွားခဲ့ပါတယ်။
ဦးစိုင်းအောင်ညွန့်ဟာ ၂၀၁၈-၂၀၁၉ တက္ကသိုလ်ဝင်စာမေးပွဲကို မန္တလေး ချမ်းအေးသာစံမြို့နယ် အထက(၅)စာစစ်ဌာနကနေ ဇီဝဗေဒဘာသာတွဲနဲ့ဝင်ရောက်ဖြေဆိုခဲ့တာဖြစ်ပြီး မြန်မာစာဘာသာရပ်ဖြေဆိုခဲ့တုန်းကတော့ အားရကျေနပ်မှုဖြစ်တယ်လို့ပြောခဲ့ပါတယ်။
”စာမေးပွဲအတွက်ပြင်ဆင်ချိန် ၁၅၃ ရက်ထဲနဲ့ဖြေခဲ့ရတဲ့ ၆ ဘာသာဆိုတော့ တအားပင်ပန်းခဲ့ပါတယ်”လို့လဲ ဦးစိုင်းအောင်ညွန့်က ဆိုပါတယ်။
Popular News Journal
0 comments:
Post a Comment