ဒီမိုကရေစီစနစ်အား သုံးစွဲသည့်နိုင်ငံတွင် တဦးတယောက်၏ နှုတ်မိန့်ဖြင့် လုပ်၍ရမည် မဟုတ်ဘဲ ဥပဒေစည်းမျဉ်းများအတိုင်းသာ တရားဝင် ညွန်ကြားဆောင်ရွက်ရမည်ဖြစ်ကြောင်း ဒေါ်အောင်ဆန်းစုကြည်က ယနေ့ပြုလုပ်သည့် ဘားအံမြို့လူထုတွေ့ဆုံပွဲတွင် ပြောသည်။
ဘားအံမြို့ရှိ မြေကွက်တခုအား ပြည်နယ်အစိုးရ၏ နှုတ်မိန့်အရဟုဆိုကာ ကုမ္ပဏီတခုမှ အင်အားသုံး ကျူးကျော်မှုနှင့်ပတ်သက်ပြီး ဒေသခံတဦး၏ တင်ပြမှုအပေါ် ၎င်းက ပြန်လည်ရှင်းလင်းခဲ့ခြင်းဖြစ်ပြီး အမှုအား ဗဟိုအစိုးရမှ ပြည်နယ်အစိုးရနှင့်ဆွေးနွေးကာ အမြန်ဆုံးဆောင်ရွက်ပေးမည်ဖြစ်ကြောင်းလည်း ပြောခဲ့သည်။
ဒေါ်အောင်ဆန်းစုကြည်က “ ဒီမိုကရေစီစနစ်ကို သုံးစွဲတဲ့နိုင်ငံမှာ မည်သူ့နှုတ်မိန့်နဲ့မှ ဘာမှလုပ်လို့မရဘူးဆိုတာ အားလုံးကို ထင်ထင်ရှားရှား နားလည်စေချင်ပါတယ်။ ကျမတို့လည်း နှုတ်မိန့်နဲ့မရပါဘူး၊ နှုတ်မိန့်နဲ့လုပ်တယ်ဆိုရင် အစကတည်းက အကျုံးမဝင်ဘူးလို့ သတ်မှတ်လို့ ရပါတယ်” ဟုပြောသည်။
ထို့ပြင် မြေယာကျူးကျော်မှုများနှင့် ပတ်သက်၍လည်း သတိပေးပြောကြားခဲ့ပြီး တရားဥပဒေချိုးဖောက်သည့် ကျူးကျော်မှုများကိုလည်း သူဌေးဖြစ်ဖြစ်၊ တောင်သူလယ်သမားဖြစ်ဖြစ် လုံးဝလက်ခံမည် မဟုတ်ကြောင်းနှင့် နေစရာအတွက် သက်ဆိုင်ရာ တိုင်းနှင့်ပြည်နယ်အစိုးရများထံ ချဉ်းကပ်သင့်ကြောင်းလည်း ပြောခဲ့သည်။
ဒေါ်အောင်ဆန်းစုကြည်က “ နေစရာ ထိုင်စရာမရှိတဲ့ ပြည်သူလူထုဟာ သက်ဆိုင်ရာပြည်နယ်၊ တိုင်းအစိုးရကို ချဉ်းကပ်ပါ၊ သက်ဆိုင်ရာ အစိုးရတွေက ဘယ်လိုနေစရာရှိအောင် ပြုလုပ်ပေးရမလဲဆိုတာ စီမံကိန်းချပြီး ပြုလုပ်ပေးပါ့မယ်။ တရားဥပဒေကို ချိုးဖောက်ပြီးတော့ ကျူးကျော်မှုကိုတော့ လုံးဝလက်မခံနိုင်ပါဘူး။ သူဌေးတွေ ကျူးကျော်ရင်လည်း လကက်မခံနိုင်ပါဘူး” ဟု ဆက်လက်ပြောသည်။
ဒေါ်အောင်ဆန်းစုကြည်သည် လူထုတွေ့ဆုံပွဲအပြီးတွင် ရသေ့ပျံဂူသို့ သွားရောက်လေ့လာခြင်းနှင့် ဘားအံ ကွန်ပျူတာတက္ကသိုလ် ဝန်ထမ်းအိမ်ရာများအား ကြည့်ရှုခဲ့ပြီး နောင်ကမြိုင်ကျေးရွာလူထုနှင့်လည်း တွေ့ဆုံခဲ့သည်။
ယင်းသို့တွေ့ဆုံရာတွင် ဒေသခံအများစုက တင်ပြခဲ့သည့် လယ်ယာမြေပြသနာများနှင့် ပတ်သက်ပြီး အစိုးရမှ အရေးကြီးလုပ်ငန်းစဉ်အနေဖြင့် အမြန်ဆုံးဆောင်ရွက်ပေးလျက်ရှိကြောင်းနှင့် ဒေသခံတောင်သူများ၏ လယ်ယာမြေပိုင်ဆိုင်ခွင့်မှာလည်း အင်မတန် အရေးကြီးကြောင်း ၎င်းကပြောခဲ့သည်။
ဒေါ်အောင်ဆန်းစုကြည်အနေဖြင့် ကရင်ပြည်နယ်သို့ရောက်ရှိနေစဉ် မနက်ဖြန် မတ်လ ၁၉ ရက်နေ့တွင် ဖွင့်လှစ်မည့် မြဝတီ- မဲဆောက် အမှတ် ၂ ချစ်ကြည်ရေးတံတားဖွင့်ပွဲကိုလည်း တက်ရောက်မည်ဖြစ်ကြောင်း သိရသည်။
ဧရာဝတီ
0 comments:
Post a Comment