မတ်လ ၁၁ရက်နေ့ မွန်းလွဲပိုင်းက ကော့သောင်းခရိုင်၊ ကော့သောင်းမြို့နယ်အထွေထွေအုပ်ချုပ် ရေးဦးစီးဌာန၊ ဟံသာဝတီအစည်းအဝေးခန်းမတွင် တိုင်းအစိုးရဝန်ကြီးအချို့က နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ တနင်္သာရီတိုင်းဒေသကြီးခရီးစဉ်အတွင်း လမ်းညွှန်မှာကြားချက်များအနက် ကော့သောင်းခရိုင်နှင့်ပတ်သက် သော လမ်းညွှန်ချက်များအပေါ် ဆောင်ရွက်ပြီးစီးမှုအခြေအနေ ရှင်းလင်းပွဲ ပြုလုပ်ခဲ့သည်။
ရှင်းလင်းပွဲသို့ တနင်္သာရီတိုင်းဒေသကြီးအစိုးရအဖွဲ့ဝင် သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဦးမြင့်မောင်၊ ခရိုင်နှင့် မြို့နယ်အဆင့်ဌာနဆိုင်ရာများ၊ မြို့နယ်နှင့် ရပ်ကွက်/ကျေးရွာအုပ်စုအုပ်ချုပ်ရေးမှူးများ၊ ဒေသခံ ပြည်သူများ တက်ရောက်ခဲ့သည်ဟု သိရသည်။
ရှင်းလင်းပွဲတွင် တနင်္သာရီတိုင်းဒေသကြီးအစိုးရအဖွဲ့ဝင် သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီး ဦးမြင့်မောင် က နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ တနင်္သာရီ တိုင်းဒေသကြီး ခရီးစဉ်အတွင်း ကော့သောင်းခရိုင်အတွင်းရှိ ဒေသခံပြည်သူများ၏ဆွေးနွေးတင်ပြချက်များ အား ဖြည့်ဆည်းဆောင်ရွက်ပေးသွားရန် လမ်းညွှန်မှာကြားချက်များနှင့်ပတ်သက်၍ ဆောင်ရွက်ထားရှိမှုနှင့် ဆောင်ရွက်ပြီးစီးမှုအခြေအနေအား ချပြရှင်းလင်းခဲ့သည်ဟု သိရသည်။
Isee Media
0 comments:
Post a Comment