မကွေးတိုင်းဒေသကြီး၊ သရက်ခရိုင်၊ သရက်မြို့မြောက်ဘက်နှစ်မိုင်ခန့်အကွာမှာရှိတဲ့ တူရကီ စစ်သင်္ချိုင်းကို ထိန်းသိမ်းစောင့်ရှောက်ဖို့အတွက် စာချုပ်ချုပ်ဆိုတာကို ဧပြီ(၂)ရက်က သရက်မြို့ စည်ပင်သာယာရေးအဖွဲ့ရုံးမှာပြုလုပ်ခဲ့ပါတယ်။ တူရကီစစ်သင်္ချိုင်း ၀န်ဆောင်မှုပြုပြင်ထိန်းသိမ်းရေးနှင့် ပတ်သက်သော ၀န်ဆောင်မှုပဋိဥာဏ် စာချုပ်ကို သရက်မြို့နယ်စည်ပင်သာယာရေး ကော်မတီနဲ့ မြန်မာနိုင်ငံဆိုင်ရာ တူရကီသံအမတ်ကြီးတို့က ချုပ်ဆိုခဲ့ကြတာပါ။
ပဋိဥာဏ်စာချုပ်ကို မြန်မာ၊ တူရကီ၊ အင်္ဂလိပ် ဘာသာသုံးမျိုးနဲ့လက်မှတ်ရေးထိုးချုပ်ဆိုခဲ့ပြီး စာချုပ်လက်မှတ်ရေးထိုးတဲ့နေ့ကစပြီး အကျိုးသက်ရောက်မှုရှိတာဖြစ်ပါတယ်။ ကွဲပြားခြားနားမှုရှိပါက အင်္ဂလိပ်ဘာသာနဲ့ ချုပ်ဆိုတဲ့ စာချုပ်သာအတည်ဖြစ်တယ်လို့သိရပါတယ်။
ပဋိဥာဏ်စာချုပ်ကို (၂၀၁၆၊၂၀၁၇၊၂၀၁၈)ခုနှစ်တွေအထိ သုံးကြိမ်ချုပ်ဆိုခဲ့ပြီး အခု(၂၀၁၉)ခုနှစ်မှာ (၄)ကြိမ်မြောက်အဖြစ်ချုပ်ဆိုတာဖြစ်ပါတယ်။မြန်မာနိုင်ငံမှာ တူရကီစစ်သင်္ချိုင်းအဖြစ် သရက်နဲ့ မိတ္ထီလာမြို့တွေမှာရှိခဲ့ပြီး လက်ရှိမှာတော့ သရက်မြို့က တူရကီ စစ်သင်္ချိုင်းတစ်ခုသာ ရှိတော့တာပါ။ သရက်မြို့တူရကီစစ်သင်္ချိုင်းကိုတော့ (၂၀၁၂)ခုနှစ်က ပြုပြင်ခွင့် ရရှိခဲ့ပြီး (၂၀၁၄)ခုနှစ်မှာ တူရကီသံရုံး တာဝန်ယူပြုပြင်ခဲ့တာဖြစ်ပါတယ်။
အဲဒီတူရကီ စစ်သင်္ချိုင်းမှာ ပထမကမ္ဘာစစ်အတွင်း အီရတ်၊ ပါလက်စတိုင်း၊ ဆီးရီးယား၊ ဆော်ဒီအာရေဗျ စတဲ့စစ်မြေပြင်တွေ ကနေ ဖမ်းဆီးခေါ်ဆောင်တာခံရပြီး သရက်မြို့မှာကျဆုံးခဲ့တဲ့ တူရကီစစ်သားတွေနဲ့ အစိုးရ အမှုထမ်း တွေကိုမြှုပ်နှံထားခဲ့တာပါ။ သရက်မြို့က တူရကီစစ်သင်္ချိုင်းမှာ အောက်မေ့ဖွယ် ကျောက်စာတိုင်နဲ့ အမှတ်အသားအုတ်ဂူ (၂၂၂)ခုရှိပါတယ်။ ပဋိဥာဏ်စာချုပ်ချုပ်ဆိုရာမှာ သရက်မြို့နယ် စည်ပင် သာယာရေးကော်မတီကိုယ်စား အတွင်းရေးမှူး ဦးသိန်းနိုင် (အမှုဆောင်အရာရှိ)နဲ့ မြန်မာနိုင်ငံဆိုင်ရာ တူရကီသံရုံးကိုယ်စား သံအမတ်ကြီး H.E. Mr.Kerem Divanlioglu တို့က လက်မှတ်ရေးထိုးကြပြီး အသိသက်သေတွေအဖြစ် မြို့နယ်စည်ပင်သာယာရေးကော်မတီ ဥက္ကဋ္ဌ ဦးခင်မောင်စိုးနဲ့ တူရကီသံရုံး ဒုတိယအတွင်းဝန်တို့က လက်မှတ်ရေးထိုးခဲ့ကြပါတယ်။
သတင်း-ပေါက်ကလေး (သရက်)
One News Myanmar
0 comments:
Post a Comment