ဘင်္ဂါလီ( မူရင်း ရိုဟင်ဂျာဖော်ပြ)တွေကို မူလနေရပ် ပြန်ပို့ရေးကိစ္စမှာ ဘင်္ဂလားဒေ့ရ်ှနဲ့အကြား သဘောတူထားတဲ့ ကတိကဝတ်အတိုင်း မြန်မာဘက်က လုပ်ဆောင်နေခြင်းမရှိဆိုပြီး ဘင်္ဂလားဒေ့ရ်ှဝန်ကြီးချုပ် ရှိတ် ဟာစီနာက ပြောဆိုလိုက်ပါတယ်။
" နေရပ်ပြန်ရေးနဲ့ပတ်သက်လို့ မြန်မာနဲ့ ကျွန်မတို့အကြား ဆွေးနွေးပြောဆိုမှုတွေလုပ်ခဲ့သလို သဘောတူညီချက်တွေလည်း လက်မှတ်ထိုးခဲ့ပါတယ်၊ ဒါပေမယ့် မြန်မာအစိုးရအနေနဲ့ ဒါနဲ့ပတ်သက်လို့ လုပ်ဆောင်နေခြင်း မရှိပါဘူး" ဆိုပြီး ဘင်္ဂလားဒေ့ရ်ှဝန်ကြီးချုပ်က ပြောပါတယ်။
အဆိုပါမှတ်ချက်စကားတွေကိုတော့ ဟာစီနာက “Friends of Bangladesh’s Liberation War Honour ” ဆုချီးမြှင့်ခံရသူတွေကို ပြီးခဲ့တဲ့ ဖေဖော်ဝါရီ ၂၅ ရက်က သူမရဲ့ရုံးခန်းမှာ လက်ခံတွေ့ဆုံစဉ် ပြောဆိုသွားခြင်း ဖြစ်ပါတယ်။
တစ်ချိန်တည်းမှာလည်းပဲ ကော့ဇ်ဘဇားနယ်ထဲကို ဘင်္ဂါလီတွေ အစုလိုက်အပြုံလိုက်ဝင်ရောက်မှုနဲ့စပ်လျဉ်းလို့လည်း ဘင်္ဂါလီဦးရေဟာ ဒေသခံ ဦးရေထက်တောင် ပိုများနေပြီဖြစ်ကြောင်း သူက ပြောဆိုသွားခဲ့ပါသေးတယ်။
တစ်ချိန်တည်းမှာလည်းပဲ နေရပ်စွန့်ခွာဘင်္ဂါလီတွေကို ယာယီနေရာပေးဖို့အတွက် ကျွန်းတစ်ကျွန်းကို စီစဉ်နေလျက်ရှိကြောင်း ၎င်းက ထပ်လောင်းပြောသွားပါတယ်။
Mizzima
0 comments:
Post a Comment