ရခိုင်ပြည်နယ်အရေးသည် နိုင်ငံတော်လုံခြုံရေးပြဿနာ ဖြစ်ကြောင်း ပြည်ခိုင်ဖြိုးအမတ်ပြော

ရခိုင်ပြည်နယ် ဘင်္ဂလီအရေးသည် လူမျိုးရေး ပဋိပက္ခထက် အမျိုးသားရေး၊ နိုင်ငံတော်လုံခြုံအရေး ပြဿနာသာဖြစ်ကြောင်း မိတ္ထီလာ မဲဆန္ဒနယ်မှ ဒေါက်တာမောင်သင်းက ပြောသည်။

 

မတ်လ ၅ ရက်နေ့က ကျင်းပသည့် ဒုတိယအကြိမ် ပြည်ထောင်စုလွှတ်တော် ၁၁ ကြိမ်မြောက်ပုံမှန်အစည်းအဝေး ၁၂ ရက် မြောက်နေ့တွင် ဇီးကုန်းမဲဆန္ဒနယ်မှ ဦးဉာဏ်ထွန်းတင်သွင်းသည့် OIC, EU, UNHCR တို့က မြန်မာနိုင်ငံဆိုင်ရာ လူ့အခွင့် အ ရေးအခြေအနေဆုံးဖြတ်ချက်အား ကုလသမဂ္ဂအထွေထွေညီလာခံတွင် အတည်ပြုခဲ့ပြီး စဉ်ဆက်မပြတ်လုပ်ဆောင်နေမှုများသည် မြန်မာနိုင်ငံ၏ ဒီမိုကရေစီဖွံ့ဖြိုးတိုးတက်မှု လုပ်ငန်းစဉ်အား အကျပ်အတည်းအတွင်း တွန်းပို့နေပြီး နိုင်ငံတော်ပြို ကွဲရေးထောင် ချောက်ဆင်လုပ်ဆောင်နေခြင်းဖြစ်၍ မြန်မာနိုင်ငံသားအားလုံး အစွဲကင်းကင်းဖြင့် စည်းလုံးညီညွှတ်စွာ တုံပြန်သွားရေး ဆောင် ရွက်ပေးရန် တိုက်တွန်းကြောင်း အဆိုကို ဆွေးနွေးရာတွင် ထည့်သွင်းပြောကြားခဲ့ခြင်း ဖြစ်သည်။ 

“နိုင်ငံကို ပိတ်ပင်မှုများ တစ်ဦးချင်း ပိတ်ပင်မှုများ၊ UN လုံခြုံရေးကောင်စီမှ လက်နက်ပိတ်ပင်မှုများ စတဲ့ဖွံ့ဖြိုးရေး၊ လုံခြုံရေးနဲ့ စွမ်းအားကို လျော့နည်းစေရန် နိုင်ငံတကာကို တိုက်တွန်းထားကြောင်း တွေ့ရှိရပါတယ်။ ဒီမှာတင်မရပ်ဘဲနဲ့ ယခုအခါ ၆၂ ဦး ကို အမေရိကန်ဒေါ်လာ ၂၆ သန်းသုံးစွဲရန် သဘောတူခွင့်ပြုပြီးသားဖြစ်တဲ့အတွက် ယခုထက် ပိုမိုသော အပြစ်ရှာ မတရားမှုများ ဆက်လက်တိုးပွားလာဦးမှာဖြစ်ပါတယ်။ ယခုရခိုင်ပြည်နယ် ဘင်္ဂလီအရေးက လူမျိုးရေး၊ ဘာသာရေး၊ ပဋိပက္ခထက် အမျိုးသား ရေး၊ နိုင်ငံတော်လုံခြုံရေးပြဿနာသာ ဖြစ်ပါတယ်” ဟု ဒေါက်တာမောင်သင်း ကပြောသည်။ 

မိမိနိုင်ငံနှင့် လူမျိုးဂုဏ်သိက္ခာ အချုပ်အခြာနှင့် တိုက်ရိုက်သက်ဆိုင်သည့်အတွက် အစိုးရအနေဖြင့် ဆောင်ရွက်နေပါသည်ဆို သည့် စကားများနှင့် အဆုံးမသတ်ရန်နှင့် ပါတီစွဲ၊ လူမျိုးစွဲ အစွဲကင်းကင်းဖြင့် စုပေါင်းအင်အားဖြင့် ဘက်ပေါင်းစုံမှ စုစုစည်းစည်း အမြန်ဆုံး တုံ့ပြန်သွားရမည်ဖြစ်ကြောင်း ၎င်းကပြောသည်။ 

ကုလသမဂ္ဂ လုံခြုံရေးကောင်စီအနေဖြင့် မြန်မာနိုင်ငံအပေါ်မှာ လူ့အခွင့်အရေးချိုးဖောက်မှုနေသည့်ဟု အစဉ်တစိုက် စွပ်စွဲမှုများ ရှိ နေသည်။ 

မတ်လ ၄ ရက်ကလည်း ဘင်္ဂလားဒေ့ရ်ှသတင်းဌာနတစ်ခုမှ ဘင်္ဂလားဒေ့ရ်ှ နိုင်ငံရောက် ဒုက္ခသည်များအတွက် မြန်မာနိုင်ငံတွင် Safe Zone တည်ဆောက်ပေးရန် သဘောသဘောတူဟု ရေးသားချက်များအပေါ်ကိုလည်း မြန်မာသံရုံးနှင့် တရုတ်သံရုံးသို့မှ မ ဟုတ်ကြောင်း တုံ့ပြန်ထားသည်။ 

ဒုက္ခသည်များ မြန်မာနိုင်ငံသို့ ပြန်မလာစေရန်အတွက်လည်း NGO အဖွဲ့များနှင့် အာဆာအကြမ်းဖက်အဖွဲ့များက ဒုက္ခသည်များကို ပြောဆိုထားသည်။ 

မြန်မာအစိုးရအနေဖြင့် ပြန်လာနိုင်သည့် ဒုက္ခသည်များ၏ အမည်စာရင်းများကို ပေးပို့ထားပြီး ဘင်္ဂလားဒေ့ရ်ှနိုင်ငံမှ အဆင်သင့် မဖြစ်သေးဟုဆိုကာ ပြန်လည်ပေးပို့နိုင်ခြင်း မရှိသေးကြောင်း သိရသည်။ 

ချမ်းငြိမ်း(အကုန်သိ သတင်းဌာန)