မကွေးတိုင်းတိုင်းဒေသကြီး ချောက်မြို့နယ် ဆင်ကကျေးရွာမှာ ဘုရားမီးပူဇော်ရာကနေ မီးစတင်လောင်ကျွမ်းတာကြောင့် နေအိမ် ၁၃ လုံး ပျက်စီးဆုံးရှုံးခဲ့တယ်လို့ ချောက်မြို့နယ် မီးသတ်ဦးစီးထံက သိရပါတယ်။
ည ၁၀ နာရီဝန်းကျင် အချိန်လောက်က ဆင်ကကျေးရာနေ ဦးရန်ကြီးအောင်နေအိမ် ဘုရားစဉ်မှာ ဖယောင်းတိုင်မီးပူဇော်ထားရာက နေအိမ်ထန်းရွက်အကာကို ကူးစက်ပြီး မီးစတင်လောင်ကျွမ်းခဲ့တာပါ။
ချောက်မြို့နဲ့ ၉ မိုင်လောက်အကွာ အခင်းဖြစ်နေရာကို မီးသတ်တပ်ဖွဲ့ဝင်တွေက မီးသတ်ယာဉ် ၆ စီး ရေသယ်ယာဉ် ၃ စီးတို့နဲ့ သွားရောက်ငြှိမ်းသတ်ခဲ့ကြောင်း သိရပါတယ်။
ဆုံးရှုံးမှု တန်ဖိုး ၅ သိန်းလောက် ပျက်စီးဆုံးရှုံးခဲ့ရပြီး လူနဲ့တိရစ္ဆာန် ထိခိုက်ဒဏ်ရာ မရရှိဘူးလို့ သိရပါတယ်။
မီးစတင်လောင်ကျွမ်းခဲ့တဲ့ နေအိမ်ပိုင်ရှင် ဦးရန်ကြီးအောင်အား မီးပေါ့ဆမှုနဲ့ အမှုဖွင့်အရေးယူထားကြောင်း သိရပါတယ်။
ကိုလင်း(ချောက်)
DVB
0 comments:
Post a Comment