မွန်ပြည်နယ် ကျိုက်ထိုမြို့ရှိ ဘုရားသုံးဆူတောင်ပေါ်၌ တည်ထားလျက်ရှိသည့် ကမ္ဘာ့အကြီးဆုံး ထိုင်တော်မူဗုဒ္ဓရုပ်ပွားတော် ဖြစ်လာမည့် ဂေါတမဗုဒ္ဓဘုရားရုပ်တု တည်ဆောက်မှု ရာခိုင်နှုန်း ၉၀ ကျော်ပြီးစီးနေပြီး လာမည့်ဧပြီလဆန်းတွင် ဗုဒ္ဓါဘိသေက အနေကဇာတင်ပွဲ ကျင်းပသွားမည်ဖြစ်ကြောင်း သိရသည်။
ထိုင်တော်မူဂေါတမ ဗုဒ္ဓရုပ်ပွားတော်ကြီးကို ၂၀၁၄ ခုနှစ် သြဂုတ် ၁၀ ရက်က စတင်ပန္နက်ရိုက်ကာ ၂၀၁၆ ခုနှစ် ဖေဖော်ဝါရီ ၁၀ ရက်တွင် သီတဂူဆရာတော်ကြီးကိုယ်တိုင် အုတ်မြစ်စီမင်္ဂလာ ပြုလုပ်ပေးခဲ့ကြောင်း၊ ဘုရားကြီးမှာ ဉာဏ်တော်အမြင့်ပေ၂၅၅ ပေ ၆ လက်မရှိပြီး ရှေ့နောက်အတိုင်းအတာမှာ ပေ ၁၂၀ ရှိကြောင်း၊ ဒူးတော်နှစ်ဖက်အတိုင်းအတာမှာ ပေ ၂၂၀ ရှိကြောင်း၊ ဘုရားကြီး တည်ထားမှုပြီးစီးမှုမှာ ရာခိုင်နှုန်း ၉၀ ကျော် ရှိနေပြီးဖြစ်ကြောင်းနှင့် ဘုရားကြီးအား လာမည့်ဧပြီ ၆ ရက်တွင် ဌာပနာပိတ်ပွဲ ကျင်းပပြုလုပ်သွားမည်ဖြစ်ကာ ဧပြီ ၇ ရက်နံနက်တွင် ဘုရားကြီးကို ဗုဒ္ဓါဘိသေကအနေကဇာတင် အခမ်းအနား ကျင်းပသွားမှာဖြစ်ကြောင်း ဘုရားကြီးတည်ဆောက်ရေးအဖွဲ့ အတွင်းရေးမှူး ဦးတင်ဝင်းထွဋ်က ပြောကြားသည်။
“ဘုရားသုံးဆူတောင်ကျောင်းတိုက် ဆရာတော် ဦးတေဇဝန္တက သာသနာနှစ်ကို တွက်ချက်ပြီးတော့ သာသနာနှစ်သည် ၂၅၅၆ ခုနှစ်ဖြစ်တဲ့အတွက်ကြောင့် သာသနာနှစ် အတိုင်း အမြင့်ပေ ၂၅၅ ပေ ၆ လက်မ အမြင့်ရှိတဲ့ ထိုင်တော်မူဂေါတမဗုဒ္ဓဘုရားကြီးကိုတည်ခြင်း ဖြစ်ပါတယ်။ ဘုရားကြီးမှာ အထပ်ပေါင်း ၁၇ ထပ်ရှိပါတယ်။ အလွှာပေါင်းက ၁၈ လွှာရှိပါမယ်။ နောက်ဆုံးပွင့်တော်မူခဲ့တဲ့ ဂေါတမဗုဒ္ဓမြတ်စွာဘုရားကို အစွဲပြုပြီးတော့ ဂေါတမဗုဒ္ဓရုပ်ပွားတော် ဘုရားကြီးလို့ ဆရာတော် ဦးတေဇဝန္တကိုယ်တိုင် အမည်ပေးခဲ့တာ ဖြစ်ပါတယ်” ဟု ဘုရားကြီးတည်ဆောက်ရေးအဖွဲ့ အတွင်းရေးမှူး ဦးတင်ဝင်းထွဋ်က ဆက်လက်ပြောကြားသည်။
ထို့ပြင် ဘုရားကြီးကိုလာရောက်ကြတဲ့ အနယ်နယ်အရပ်ရပ်က ဘုရားဖူးတွေအတွက် ဘုရားသုံးဆူတောင်ပေါ်၌ အခမဲ့တည်းခိုဆောင်များလည်း ဆောက်လုပ်သွားမည်ဖြစ်ကြောင်း ဘုရားကြီးတည်ဆောက်ရေးအဖွဲ့ အတွင်းရေးမှူး ဦးတင်ဝင်းထွဋ်၏ ပြောကြားချက်အရ သိရသည်။
မွန်ပြည်နယ် မုဒုံမြို့နယ် လက်တက်ကျေးရွာတွင်လည်း ဉာဏ်တော် ပေ ၁၈၀ ရှိ ခပ်ရခပ်ယူထိုင်တော်မူ မြတ်စွာဘုရားရုပ်ပွားတော် တည်ထားလျက်ရှိပြီး ယခုကျိုက်ထိုမြို့တွင် တည်ထားလျက်ရှိသော ဉာဏ်တော် ၂၅၅ ပေ ၆ လက်မရှိ ဂေါတမဗုဒ္ဓထိုင်တော်မူ မြတ်စွာဘုရားရုပ်ပွားတော် ပြီးစီးသွားပါက မြန်မာနိုင်ငံတွင်သာမက ကမ္ဘာတွင်ပါ အကြီးဆုံးထိုင်တော်မူဗုဒ္ဓရုပ်ပွားတော်တစ်ဆူ ဖြစ်လာမည်ဖြစ်သည်။
Eleven Media Group
0 comments:
Post a Comment