ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှုမပြိုကွဲရေး၊ အချုပ်အခြာအာဏာတည်တံ့ခိုင်မြဲရေးတို့ကိုထိပါးလာသည့် ပြည်ပခြိမ်းခြောက်မှုဘုံရန်သူကို မြင်အောင်ကြည့်ပြီး ထိရောက်စွာတုန့်ပြန်သွားရန်အတွက် တင်သွင်းသည် ဆိုသည့် ကိုယ်စားလှယ် ဦး ဉာဏ်ထွန်း၏ အဆိုကို ပြည်ထောင်စုလွှတ်တော်နာယက က မှတ်တမ်းအဖြစ်သာထားရှိရန် မတ်လ ၅ ရက် တွင်ကြေညာခဲ့သည်။
ပြည်ထောင်စုလွှတ်တော်အစည်းအဝေးတွင် ပြည်သူ့လွှတ်တော်ကိုယ်စားလှယ် ဦးဉာဏ်ထွန်း၏ “OIC ၊ EU နှင့် UNHRC တို့က မြန်မာနိုင်ငံဆိုင်ရာလူ့အခွင့်အရေးအခြေအနေဆုံးဖြတ်ချက်အား ကုလသမဂ္ဂအထွေထွေညီလာခံ တွင် အတည်ပြုခဲ့ပြီး စဉ်ဆက်မပြတ် လုပ်ဆောင်နေမှုများသည် မြန်မာနိုင်ငံ၏ ဒီမိုကရေစီနှင့်ဖွံ့ဖြိုး တိုးတက်မှု လုပ်ငန်းစဉ်အား အကျပ်အတည်းအတွင်း တွန်းပို့ပြီး နိုင်ငံတော် ပြိုကွဲပျက်စီးရေး ထောင်ချောက်ဆင်ထားသည့် နိုင်ငံရေး Agenda ကို ဖော်ဆောင်နေခြင်းဖြစ်၍ ပြည်ထောင်စုသမ္မတ မြန်မာနိုင်ငံတော်၏ နိုင်ငံသား အားလုံး ပါတီစွဲ၊ အယူဝါဒစွဲ၊ ဒေသစွဲ၊ ပုဂ္ဂိုလ်စွဲ၊ အစွဲကင်းကင်းဖြင့် စည်းလုံးညီညွတ်စွာ ထိထိရောက်ရောက် တုံ့ပြန်သွားရေး စီမံဆောင်ရွက်သွားပါရန် နိုင်ငံတော်အစိုးရ အား တိုက်တွန်းကြောင်း”အဆိုကို တပ်မတော်သားပြည်သူ့လွှတ်တော် ကိုယ်စားလှယ်(၂)ဦးအပါအဝင် ပြည်သူ့လွှတ်တော် ကိုယ်စားလှယ်(၁၇)ဦးနှင့် တပ်မတော်သားအမျိုးသားလွှတ်တော် ကိုယ်စားလှယ် (၁)ဦးအပါအဝင် အမျိုးသားလွှတ်တော် ကိုယ်စားလှယ်(၁၀)ဦး၊ စုစုပေါင်းလွှတ်တော်ကိုယ်စားလှယ် (၂၇)ဦးတို့က ဆွေးနွေး ခဲ့ကြသည်။
အဆိုနှင့်ပတ်သက်၍ အပြည်ပြည်ဆိုင်ရာပူးပေါင်းဆောင်ရွက် ရေးဝန်ကြီးဌာန ပြည်ထောင်စုဝန်ကြီး ဦးကျော်တင် က ပြန်လည်ရှင်းလင်းဆွေးနွေးရာတွင် “ယခုတင်သွင်းတဲ့အဆိုနဲ့ပတ်သတ်ပြီးတော့ မိမိတို့အစိုးရအနေနဲ့ ရှု့ထောင့်အမြင်မျိုးစုံ ဘက်ပေါင်းစုံမှ ထည့်သွင်းစဉ်းစားပြီး အဖက်ဖက်မှ အစွမ်းကုန်ကြိုးပမ်းဆောင်ရွက်နေပြီဖြစ်တဲ့အတွက် ယခုလွှတ်တော်ကိုယ်စားလှယ်ဦးဥာဏ်ထွန်းတင်သွင်းတဲ့အဆိုကို မှတ်တမ်းတင်ရန်သာသင့်ပါကြောင်း"ပြောကြားခဲ့သည်။
အဆိုရှင်၏သဘောထားအားမေးမြန်းရာတွင် ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှုမပြိုကွဲရေး၊ အချုပ်အခြာအာဏာတည်တံ့ခိုင်မြဲရေးတို့ကိုထိပါးလာသည့် ပြည်ပခြိမ်းခြောက်မှုဘုံရန်သူကို မြင်အောင်ကြည့်ပြီးတင်ပြပါလုပ်ငန်းစဉ်များအတိုင်း ထိရောက်စွာတုန့်ပြန်သွားရန်အဆိုတင်သွင်းခဲ့ခြင်းဖြစ်ကြောင်း
ပြည်ထောင်စုအစိုးရ၏ ယနေ့တုန့်ပြန်ဆောင်ရွက်မှုများကိုထောက်ခံပါကြောင်း၊ အဆိုတွင်တင်ပြထားသည်မှာ တုန့်ပြန်မှုများပိုမိုထိရောက်အောင် အကြံပြုတင်ပြခဲ့ခြင်းသာဖြစ်သည့်အတွက်ကြောင့် အဆိုတွင်တင်ပြထားသောလုပ်ငန်းစဉ်များကို အတည်ပြုပေးရန် တင်ပြခဲ့သည်။
ယင်းအဆိုနှင့်ပတ်သက်၍ သဘောထားကွဲလွဲမှုရှိနေသဖြင့် လွှတ်တော်၏ အဆုံးအဖြတ်ရယူခြင်းကို စက်ခလုတ်အသုံးပြုသည့် နည်းလမ်းဖြင့် ဆောင်ရွက်ခဲ့ရာ ထောက်ခံဆန္ဒမဲ(၂၁၉)မဲ၊ ကန့်ကွက်ဆန္ဒမဲ(၃၂၆)မဲနှင့် ကြားနေဆန္ဒမဲ(၆)မဲရရှိခဲ့သည့်အတွက် အဆိုကို မှတ်တမ်းအဖြစ်သာထားရှိရန် ပြည်ထောင်စုလွှတ်တော်နာယက က ကြေညာခဲ့သည်။
The Ladies News
0 comments:
Post a Comment