တပ်မတော်သား လွှတ်တော်ကိုယ်စားလှယ်များအနေဖြင့် အမျိုးသားနိုင်ငံရေးကို တိုင်းရင်းသား ပြည်သူတစ်ရပ်လုံးနှင့် ထမ်းဆောင်သွားမည်ဟု တပ်မတော်သား လွှတ်တော်ကိုယ်စားလှယ်ဗိုလ်မှူးချုပ် ကျော်ကျော်စိုး ကပြောသည်။
မတ်လ ၁၂ ရက်ကကျင်းပသည့် ပြည်ထောင်စုလွှတ်တော်အစည်းအဝေးတွင် ၂၀၀၈ ဖွဲ့စည်းပုံအခြေခံဥပဒေကို ဒုတိယအကြိမ် ပြင်ဆင်သည့် ဥပဒေကြမ်းနှင့် ပတ်သက်ပြီး စိစစ်ရေးကော်မတီ၏ တွေ့ရှိချက် သဘောထားမှတ် ချက်အပေါ်ဆွေးနွေးရာတွင် ထည့်သွင်းပြောကြားခဲ့ခြင်း ဖြစ်သည်။
“ကိုယ့်တိုင်းရင်းသားပြည်နယ်တွေမှာ ကိုယ့်တိုင်းရင်းသား ကြိုက်တဲ့ဝန်ကြီးချုပ်ကို ခန့်အပ်ဖို့အရေးကို လွှတ်တော်မှာ ဆွေးနွေးဖို့ တင်ပြအပ်ပါတယ်။ နာယကကြီးအနေနဲ့လည်း ထိန်းသိမ်းပေးဖို့ တင်ပြပါတယ်။ ပြည်သူတစ်ရပ်လုံးကို တင်ပြချင်တာကတော့ ကျွန်တော်တို့ တပ်မတော်သား လွှတ်တော်ကိုယ်စားလှယ်တွေအနေနဲ့ အမျိုးသားအကျိုးစီးပွားအတွက် အမျိုးသား နိုင်ငံရေး တာ ဝန်ကို တိုင်းရင်းသား ပြည်သူတစ်ရပ်လုံးနဲ့ ဦးတည်ထမ်းဆောင်သွားမယ်လို့ ကတိပေးပါတယ်”ဟု ဗိုလ်မှူးချုပ် ကျော်ကျော်စိုး က ပြောသည်။
၂၀၀၈ ဖွဲ့စည်းပုံအခြေခံဥပဒေကို ဒုတိယအကြိမ် ပြင်ဆင်သည့် ဥပဒေကြမ်းနှင့် ပတ်သက်ပြီး စိစစ်ရေးကော်မတီ၏ တွေ့ရှိချက် သဘောထားမှတ် ချက်အပေါ်ဆွေးနွေးရာတွင် တပ်မတော်သား ကိုယ်စားလှယ်များက ကန့်ကွက်ဆွေးနွေးမှုများ ပြုလုပ်ခဲ့သည့် အပြင် ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးပူးပေါင်းကော်မတီအနေဖြင့် အင်အားဖြင့် ဆောင်ရွက်ခဲ့ခြင်းများ ရှိသည့်အ တွက် အယုံအကြည်မရှိကြောင်းလည်း ဗိုလ်မှူးချုပ် ကျော်ကျော်စိုးက ပြောကြားခဲ့သည်။
၂၀၀၈ဖွဲ့စည်းပုံအခြေခံဥပဒေကို ဒုတိယအကြိမ်ပြင်ဆင်သည့် ဥပဒေကြမ်းမှာ တိုင်းဒေသကြီးပြည်နယ်များမှ ရွေးချယ်ခံလွှတ် တော်ကိုယ်စားလှယ်မှ ဝန်ကြီးချုပ်အဖြစ် ခန့်အပ်နိုင်မည့် ပုဒ်မ ၂၆၁ ကို ပြည်ထောင်စုကြံ့ခိုင်းရေးနှင့် ဖွံ့ဖြိုးရေးပါတီ ကျောင်းကုန်း မဲဆန္ဒနယ်မှ ဦးသိန်းထွန်းမှ တင်သွင်းခဲ့ခြင်းဖြစ်ကြောင်း သိရသည်။
ချမ်းငြိမ်း(အကုန်သိ သတင်းဌာန)
0 comments:
Post a Comment