ရခိုင်ပြည်နယ် စစ်တွေမြို့မှာသီတင်းသုံးတဲ့ ဆရာတော် ဦးစက္ကိန္ဒဟာ ဒေသတွင်းတိုက်ပွဲတွေ အမြန်ဆုံးရပ်စဲဖို့နဲ့ ငြိမ်းချမ်းရေး စားပွဲဝိုင်း တွေ့ဆုံဆွေးနွေးပွဲတွေ အမြန်ဆုံးဖြစ်ပေါ်လာရေး တောင်းဆိုပြီး ဒီနေ့မနက် ၉ နာရီက လမ်းလျှောက်ဆန္ဒပြခဲ့ပါတယ်။
အစိုးရတပ်မတော်နဲ့ ရက္ခိုင့်တပ်မတော်(AA)တို့ရဲ့ တိုက်ပွဲကာလအတွင်း အရပ်သားတွေ ထိခိုက်မှုများလာနေတဲ့အတွက် ဒီလှုပ်ရှားမှုကိုလုပ်ဆောင်တာလို့ ဦးစက္ကိန္ဒက RFA ကိုမိန့်ပါတယ်။
ဦးစက္ကိန္ဒဟာ စစ်တွေမြို့ ဘုရားကြီးကနေ ဦးဥတ္တမပန်းခြံအထိ လမ်းလျှောက်ဆန္ဒပြခဲ့တာလည်းဖြစ်ပါတယ်။
ဦးစက္ကိန္ဒဟာ ရခိုင်ဒေသငြိမ်းချမ်းရေးအတွက် တစ်ကိုယ်တော် လမ်းလျှောက်ဆန္ဒပြတဲ့လှုပ်ရှားမှုကို မကြာခဏဆောင်ရွက်နေတဲ့ သံဃာတော်တစ်ပါးဖြစ်ပါတယ်။
Photo: Min Thein Aung/RFA
0 comments:
Post a Comment