မှော်ဝင်သမန်းကျား ရုပ်ရှင်ဇာတ်ကားကြီးမှာ သူထူးစံ ကလွဲရင်တခြားဘယ်သူမှ သရုပ်မဆောင်နိုင်ဘူးလို့  ဇာတ်ကားထုတ်လုပ်သူတစ်ဦးဖြစ်သလို တစ်ချိန်က ရည်းစားဖြစ်ခဲ့ဖူးသူ ခွန်းဆင့်နေခြည် ကပြောပါတယ်။
လက်ရှိလူမှုကွန်ရက်မှာပျံ့နှံ့နေတဲ့ ဝေဖန်ပြောဆိုမှုများကြောင့် မှော်ဝင်သမန်းကျားဇာတ်ကားနဲ့ပတ်သက်ပြီး ခွန်းဆင့်နေခြည်နဲ့ မီဒီယာများ မတ်လ ၂၆ ရက် နေ့လယ် ၃ နာရီအချိန်က Orchid Hotel မှာတွေ့ဆုံရှင်းလင်းပွဲပြုလုပ်စဉ် က ပြောခဲ့တာပါ။
“သူထူးစံကို ကျွန်မနဲ့ ရည်းစားဖြစ်ခဲ့ဖူးလို့ ဒီကာရိုက်တာနဲ့ ဒီဇာတ်ကားမှာ ခေါ်သုံးခြင်းမဟုတ်ပါဘူး။ သူနဲ့ကျွန်မက လွန်ခဲ့တဲ့ နှစ်တွေကတည်းကလမ်းခွဲ ပြီးခဲ့တဲ့ကိစ္စပါ။ ကျွန်မက သူ့ကိုခေါ်ပြီးတော့ ရည်းစားဖြစ်ခဲ့လို့ခေါ်ပြီးသုံးတာ မဟုတ်ဘူး။ ဒီဇာတ်ကားအတွက် သရုပ်ဆောင်ရွေးတဲ့အချိန်မှာ ဒါရိုက်တာနဲ့ အကြိမ်ကြိမ်ဆွေးနွေးတိုင်ပင်တယ်။ ဒီဇာတ်ရုပ်မှာ တခြားမင်းသားပေါင်းမြောက်များစွာနဲ့လည်း Casting ချတယ်။ ဒါပေမယ့် ဒီဇာတ်ရုပ်မှာ လိုက်ဖက်နေတာက သူထူးစံနဲ့လိုက်ဖက်နေတယ်။ ပြီးတော့ သူ့လို အကြမ်းအတမ်းအပေအတေ စရိုက်ပေါင်း မြောက်များစွာလုပ်နိုင်တဲ့ မင်းသားက သူပဲရှိတယ်။ ဒါကိုပရိသတ်တွေအားလုံးလည်းသိတယ်။ အဲဒီတော့ ဒီကာရိုက်တာမှာ သူနဲ့ပဲ လိုက်ဖက်တာဖြစ်တဲ့အတွက် သူ့နဲ့ပဲ ရိုက်မှ ဖြစ်မယ်ဆိုပြီး ဒါရိုက်တာရဲ့ အကြံပြုချက် နဲ့ ကျွန်မသူ့ကိုပဲရွေးချယ်တာပါ။ ဒါပေမယ့် သိချင်တာတစ်ခုကတော့ ဖေ့ဘွတ်မှာလည်း ၀ိုင်းရေးကြတော့ ကျွန်မက ရယ်တော့ရယ်ချင်တယ်။ဘာဖြစ်လို့လဲဆိုတော့ သူရဲ့ရည်းစားဟောင်းဖြစ်လို့ ခေါ်ရိုက်တာ ဆိုတော့ မဟုတ်ပါဘူး” လို့ ခွန်းဆင့်နေခြည်က ပြောပါတယ်။
အကယ်ဒမီ သူထူးစံ ဟာ ၂၀၁၈ ခုနှစ်အတွက် အကောင်းဆုံးအမျိုးသားဇာတ်ဆောင်ဆုကို သရုပ်ဆောင် ခွန်းဆင့်နေခြည် တာဝန်ခံထုတ်လုပ်ရိုက်ကူးထားတဲ့ကျောက်ဆူးရုပ်ရှင်မှ ထုတ်လုပ်ဖြန့်ချိထားတဲ့ မှော်ဝင်သမန်း ကျား ရုပ်ရှင်ဇာတ်ကားကြီးနဲ့ ပထမဆုံးအကယ်ဒမီရွှေစင်ရုပ်ထုကြီးကို ဆွတ်ခူးရှိခဲ့တာဖြစ်ပါတယ်။
အကယ်ဒမီ သူထူးစံနဲ့ သရုပ်ဆောင် ခွန်းဆင့်နေခြည်တို့က တစ်ချိန်က ချစ်သူရည်းစားဖြစ်ခဲ့ပေမယ့်လည်း သူငယ်ချင်းအဖြစ်နဲ့ သူတို့နှစ်ဦး ခင်မင်မှုတွေဆက်လက်ရှိနေခဲ့သလို သူထူးစံ က သရုပ်ဆောင် ထိုက်စုဝင်း နဲ့ ၂၀၁၈ ခုနှစ် ဒီဇင်ဘာလ ၉ ရက်နေ့က မင်္ဂလာဦးဆွမ်းကျွေးအလှူ ၊၂၀၁၉ ခုနှစ် ဖေဖော်ဝါရီလ ၂၂ ရက်နေ့မှာတော့ Novotel Hotel မှာ မင်္ဂလာဧည့်ခံပွဲ တွင်ကျင်းပပြုလုပ်ခဲ့ပါတယ်။
(အကုန်သိသတင်းဌာန)
0 comments:
Post a Comment