လာမယ့် မေ ၁ ရက်နေ့ ဖွင့်လှစ်မယ့် ကျပ် ၁ ထောင်တန် အောင်ဘာလေထီတွေထဲက ကျပ်သိန်းပေါင်း ၂ သောင်းခွဲကျော်ဖိုးဟာ ရောင်းမကုန်ထီအဖြစ် ကျန်ခဲ့တယ်လို့ ကြေညာပါတယ်။
၃ ကြိမ်မြောက် ၁ ထောင်တန် အောင်ဘာလေထီအတွက် “က” အက္ခရာကနေ “ကဃ” အထိ စုစုပေါင်း ၃၇ လုံး၊ ထီစာအုပ် ၃,၀၂၇,၂၆၆ အုပ် ထုတ်ဝေထားခဲ့တယ်လို့ ဆိုပါတယ်။
ဒီထဲမှာ ၂,၇၆၅,၉၇၁ အုပ်ပဲ ရောင်းရပြီး ၂၆၁,၂၉၅ အုပ်ဟာ ရောင်းမကုန်ထီတွေ အဖြစ် ကျန်ခဲ့တာပါ။
ဒါကြောင့် ဆုမဲတွေဖွင့်ရာမှာ အထူးဆုကြီးစနစ်နဲ့ ဆုတဆုချင်းစနစ်မှာ ရောင်းမကုန် ထီလက်မှတ်က ထွက်လာခဲ့ရင် ပြန်ဖွင့်ပေးမှာဖြစ်ပြီး ဝေဝေဆာဆာ ဆုမဲစနစ်ကနေ ထွက်လာခဲ့ရင်တော့ ဆုမဲတန်ဖိုးတွေကို စုပေါင်းပြီး တခြား သင့်တော်တဲ့ ဆုမဲတွေကို အစားထိုး ပြန်ဖွင့်ပေးမယ်လို့ ဆိုပါတယ်။
စုစုပေါင်း ဆုအဖြစ် ခွဲဝေပေးမယ့် ဆုငွေကတော့ ကျပ်သန်းပေါင်း ၁၆,၅၉၅ ကျော် ဖြစ်ပါတယ်။ ဆုမဲတွေကတော့ ကျပ်သိန်း ၁ သောင်းခွဲကနေ ကျပ် ၅ သောင်းအထိ ဖြစ်ပါတယ်။
ရောင်းမကုန်ထီလက်မှတ်တွေကိုတော့ ပြည်တွင်းအခွန်များဦးစီးဌာန ဝက်ဘ်ဆိုက်နဲ့ အောင်ဘာလေ သိန်းဆုဌာနခွဲ ကြော်ငြာသင်ပုန်းမှာ ကြေညာထားပါတယ်။
ပြီးခဲ့တဲ့ ဧပြီ ၁ ရက်မှာ ဖွင့်လှစ်ခဲ့တဲ့ ၂၅ ကြိမ်မြောက် ကျပ် ၅၀၀ တန် ထီတန်းက အုပ်ရေပေါင်း ၂၀၃,၄၄၈ ရောင်းမကုန်ဘဲ ကျန်ခဲ့ပြီး ၂ ကြိမ်မြောက် ကျပ် ၁၀၀၀ တန်ထီမှာတော့ အုပ်ရေပေါင်း ၄၃၅,၅၇၇ ရောင်းမကုန်ခဲ့ပါဘူး။
DVB
0 comments:
Post a Comment