ပုဂံယဉ်ကျေးမှု အမွေအနှစ်ဒေသကို ကမ္ဘာ့အမွေအနှစ် စာရင်းဝင်ဖြစ်ရေးအတွက် ပါဝင်ဆောင်ရွက် ပေးခဲ့ကြသည့် ပုဂ္ဂိုလ်များနှင့် အဖွဲ့အစည်းများအား ဂုဏ်ပြုချီးမြှင့်ပွဲနှင့် ညစာစားပွဲ အခမ်းအနားကို ယနေ့ ညနေ ၆ နာရီတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန - ၂ (MICC-II)၌ ကျင်းပရာ နိုင်ငံတော်သမ္မတ ဦးဝင်းမြင့်နှင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်တို့ တက်ရောက်၍ ဂုဏ်ပြုအမှာ စကားပြောကြားကြသည်။
အခမ်းအနားသို့ ဒုတိယသမ္မတ ဦးမြင့်ဆွေ၊ ဒုတိယသမ္မတ ဦးဟင်နရီဗန်ထီးယူ၊ ပြည်သူ့လွှတ်တော် ဥက္ကဋ္ဌ ဦးတီခွန်မြတ်၊ ပြည်ထောင်စု တရားသူကြီးချုပ် ဦးထွန်းထွန်းဦး၊ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ပြည်သူ့လွှတ်တော် ဒုတိယဥက္ကဋ္ဌ၊ အမျိုးသားလွှတ်တော် ဒုတိယဥက္ကဋ္ဌ၊ ပြည်ထောင်စုဝန်ကြီးများ၊ ပြည်ထောင်စုရှေ့နေချုပ်၊ ပြည်ထောင်စုစာရင်းစစ်ချုပ်၊ ပြည်ထောင်စု ရာထူးဝန်အဖွဲ့ဥက္ကဋ္ဌ၊ နေပြည်တော်ကောင်စီဥက္ကဋ္ဌ၊ တိုင်းဒေသကြီးဝန်ကြီးချုပ်များ၊ နေပြည်တော် တိုင်းစစ်ဌာနချုပ်တိုင်းမှူး၊ လွှတ်တော်ကိုယ်စားလှယ်များ၊ အမြဲတမ်းအတွင်းဝန်များ၊ ဌာနဆိုင်ရာ အကြီးအကဲများ၊ သံအမတ်ကြီးများ၊ ပြည်တွင်းပြည်ပမှ ပညာရှင်များ၊ ပုဂံဒေသအား ကမ္ဘာ့အမွေအနှစ်စာရင်း တင်သွင်းရေးလုပ်ငန်းများတွင် ပါဝင်ဆောင်ရွက်ခဲ့သည့် ကော်မတီနှင့် ဆပ်ကော်မတီများမှ တာဝန်ရှိသူများ၊ အလှူရှင်နိုင်ငံများနှင့် အဖွဲ့အစည်းများမှ ကိုယ်စားလှယ်များ၊ ပြည်တွင်းပြည်ပအဖွဲ့အစည်းများမှ ကိုယ်စားလှယ်များနှင့် တာဝန်ရှိသူများတက်ရောက်ကြသည်။
အခမ်းအနားတွင် နိုင်ငံတော်သမ္မတ ဦးဝင်းမြင့်က မြန်မာနိုင်ငံသည် ယဉ်ကျေးမှုအမွေအနှစ်များ ပေါကြွယ်ဝပြီး ယင်းယဉ်ကျေးမှု အမွေအနှစ်များမှာ ရှေးယခင်ကတည်းက မြန်မာနိုင်ငံ၏အမျိုးဂုဏ်၊ ဇာတိဂုဏ်၊ မြင့်မားထည်ဝါမှုကို ဖော်ညွှန်းပြသနေပါကြောင်း၊ ယဉ်ကျေးမှုအမွေအနှစ်များဟု ဆိုရာတွင် ဗိသုကာလက်ရာ အရည်အသွေးမြင့်မားသည့် ဘုရား၊ စေတီ၊ ပုထိုး၊ ကျောင်း၊ တန်ဆောင်း၊ အထိမ်းအမှတ် အဆောက်အအုံများနှင့် မြို့ပြနန်းတော် စသည့်ဒြပ်ရှိ ယဉ်ကျေးမှုများနှင့် မြန်မာနိုင်ငံ အတွင်းမှီတင်း နေထိုင်ကြသည့် တိုင်းရင်းသားလူမျိုးများ၏ ရိုးရာဓလေ့ထုံးစံ၊ ဘာသာစကား၊ စာပေများ စသည့် ဒြပ်မဲ့ယဉ်ကျေးမှုများလည်း ပါဝင်ပါကြောင်း၊ ပုဂံဒေသရှိစေတီပုထိုးများတွင် ယဉ်ကျေးမှု မြင့်မားသည့် နံရံဆေးရေးပန်းချီများ၊ တန်ဖိုးမဖြတ်နိုင်သည့် အနုသုခုမလက်ရာများကို တွေ့ရှိနိုင်မည် ဖြစ်ပါကြောင်း၊ ထို့ကြောင့် ပုဂံဒေသသည် မြန်မာနိုင်ငံ၏ ရှေးဟောင်းယဉ်ကျေးမှုဆိုင်ရာ အံ့ဖွယ်ဒေသ ဖြစ်ပါကြောင်း၊ ယင်းယဉ်ကျေးမှုအမွေအနှစ်များ၏ဆွဲဆောင်မှုများကြောင့် မြန်မာနိုင်ငံကို နိုင်ငံတကာက ခရီးသွားဧည့်သည်များလည်း လာရောက်လည်ပတ်နေကြသည်ကို တွေ့မြင်နိုင်ပါ ကြောင်း။
မြန်မာနိုင်ငံ၏ ယဉ်ကျေးမှုအမွေအနှစ် ဒေသများထဲမှ ဟန်လင်း၊ ဗိဿနိုး၊ သရေခေတ္တရာ စသည့် ပျူရှေးဟောင်းမြို့များကို ၂၀၁၄ ခုနှစ်မှစတင်ပြီး မြန်မာနိုင်ငံ၏ ပထမဦးဆုံး ကမ္ဘာ့အမွေအနှစ် စာရင်းဝင်အဖြစ် သတ်မှတ်နိုင်ခဲ့ပြီးဖြစ်ပါကြောင်း၊ ယခုအခါ မြန်မာနိုင်ငံသားအားလုံး၏ နှလုံးသား ထဲတွင် အထင်ကရရှိသည့် ပုဂံယဉ်ကျေးမှု အမွေအနှစ်ဒေသကို ၂၀၁၉ ခုနှစ်၊ ဇူလိုင် ၆ ရက်တွင် ကမ္ဘာ့အမွေအနှစ် စာရင်းဝင်အဖြစ် အောင်မြင်စွာသတ်မှတ်နိုင်ခဲ့ပြီး ဖြစ်သည့်အတွက် နိုင်ငံသူ နိုင်ငံသားများ အားလုံးအထူးဂုဏ်ယူ ဝမ်းမြောက်ကြရပါကြောင်း၊ ထို့ကြောင့် မြန်မာ့ယဉ်ကျေးမှု အမွေအနှစ်များကို ကမ္ဘာကသိရှိခွင့်ရပြီး ကမ္ဘာတွင် မြန်မာ၏ဂုဏ်သိက္ခာ မြင့်တက်လာပါကြောင်း၊ ထို့အတူမြန်မာနိုင်ငံ၏ အမျိုးသားယဉ်ကျေးမှု အမွေအနှစ်ဒေသများဖြစ်သည့် မြောက်ဦးရှေးဟောင်း ဒေသ၊ ရွှေတိဂုံစေတီတော်နှင့် ပြဒါးလင်းဂူအစရှိသည့်ရှေးဟောင်းနေရာဒေသများကိုလည်း မြန်မာ့ အမွေအနှစ်မှ ကမ္ဘာ့အမွေအနှစ်အဖြစ် သတ်မှတ်ခံရအောင် ဆက်လက်ကြိုးပမ်းဆောင်ရွက်ပေးကြရန် တိုက်တွန်းလိုပါကြောင်း။
ပုဂံယဉ်ကျေးမှု အမွေအနှစ်ဒေသကို ကမ္ဘာ့အမွေအနှစ်စာရင်းဝင်အဖြစ် ဆောင်ရွက်သည့် နေရာတွင် ယဉ်ကျေးမှုအမွေအနှစ် အဆောက်အအုံများ၊ နေရာများကိုသာမကဘဲဒေသခံပြည်သူများ၏ လူမှုစီးပွား ဘ၀ဖွံ့ဖြိုးတိုးတက်မှု အလားအလာများကိုလည်း ထည့်သွင်းစဉ်းစားပြီး ဆောင်ရွက်ခဲ့သည်ကို တွေ့ရှိရပါကြောင်း၊ ထို့ကြောင့် ယခင်ကရေးဆွဲခဲ့သည့် ယဉ်ကျေးမှု အမွေအနှစ်ဒေသများ ကာကွယ် ထိန်းသိမ်းရေး ဥပဒေကိုလည်း ဒေသခံပြည်သူများ၏ ပူးပေါင်းပါဝင်နိုင်မှု၊ လူမှုစီးပွား ဘ၀ဖွံ့ဖြိုး တိုးတက်မှု စသည့်အချက်များကို အလေးထားထည့်သွင်းရေးဆွဲကာ ၂၀၁၉ ခုနှစ်၊ ဖေဖော်ဝါရီ ၂၈ ရက်တွင် ခေတ်ကာလအခြေအနေနှင့်အညီ အသစ်ပြန်လည် ပြဋ္ဌာန်းနိုင်ခဲ့ပါကြောင်း။
ထို့အတူ ပုဂံယဉ်ကျေးမှု အမွေအနှစ်ဒေသတွင်ရှိသည့် အဆင့်အတန်း အလွန်မြင့်မားသည့် ယဉ်ကျေးမှု အမွေအနှစ်များ၏ ရေရှည်တည်တံ့ခိုင်မြဲရေးအတွက် စီမံဆောင်ရွက်ရမည့် လုပ်ငန်းစဉ်များ၊ သဘာဝ ဘေးအန္တရာယ် ကာကွယ်တားဆီးရေးအစီအစဉ်များ၊ ခရီးသွားလုပ်ငန်း ဖွံ့ဖြိုးတိုးတက်ရေး အစီအစဉ် များ၊ မြို့ပြလူမှုဘဝ ဖွံ့ဖြိုးမှုအစီအစဉ်များ စသည့်အစီအမံများကို ပြည်သူများပူးပေါင်း ပါဝင်ဆောင်ရွက် နိုင်သည့် စီမံခန့်ခွဲမှုနည်းစနစ် တစ်ခုကိုလည်း ဥပဒေနှင့်အညီ ထည့်သွင်း ရေးဆွဲ ထားပြီးဖြစ်ပါကြောင်း။
ထို့ပြင် မြန်မာနိုင်ငံ ပုဂံဒေသတွင်ရှိသည့် ယဉ်ကျေးမှုအမွေအနှစ်များ ရေရှည်တည်တံ့ခိုင်မြဲရေးအတွက် မြန်မာနိုင်ငံကသာမက ကမ္ဘာ့နိုင်ငံ အသီးသီးကလည်း ပြုပြင်ထိန်းသိမ်းရေး လုပ်ငန်းများတွင် ပိုမို ပူးပေါင်းဆောင်ရွက် လာနိုင်မည်ဖြစ်ပါကြောင်း၊ သို့မှသာ ပုဂံယဉ်ကျေးမှု အမွေအနှစ်များကို နောင်မျိုးဆက်သစ်လူငယ်များ လက်ဆင့်ကမ်းထိန်းသိမ်း သွားနိုင်မည်ဖြစ်ပါကြောင်း၊ ထို့ပြင် ပုဂံဒေသကို လူသိပိုများလာပြီး နိုင်ငံတကာမှ ခရီးသွားများ ပိုမိုဝင်ရောက်လာမည် ဖြစ်ပါကြောင်း၊ ပုဂံယဉ်ကျေးမှု အမွေအနှစ်ဒေသ၏ ဒေသခံပြည်သူများ စီးပွားရေးအခွင့်အလမ်းများ ပိုမိုဖွံ့ဖြိုးတိုးတက် လာမည်ဖြစ်ပါကြောင်း၊ ထို့ကြောင့် ယဉ်ကျေးမှုအမွေအနှစ်များ၏တန်ဖိုးကို မြတ်နိုးကြပြီး ကမ္ဘာ့အမွေ အနှစ်စာရင်းဝင် ပုဂံဒေသအား ရေရှည်ဖွံ့ဖြိုးတိုးတက်ရေးအတွက် အမျိုးသားရေးအမြင်ဖြင့် ဝိုင်းဝန်း ကာကွယ်ထိန်းသိမ်းစောင့်ရှောက်ကြရန် တာဝန်ကိုယ်စီရှိကြပါကြောင်း။
ပုဂံဒေသကို ကမ္ဘာ့အမွေအနှစ် စာရင်းဝင်အဖြစ် သတ်မှတ်ခံရပြီးနောက်ပိုင်း နိုင်ငံတကာအထိမ်းအမှတ် အဆောက်အအုံနှင့် နေရာဒေသများကောင်စီ (ICOMOS)က မေးမြန်းထားသည့် အချက်အလက် များကို BAGAN COM အဖွဲ့ဝင်များ၊ ရှေးဟောင်းသုတေသနနှင့် အမျိုးသားပြတိုက် ဦးစီးဌာနမှ ဝန်ထမ်းများ၊ ဆက်စပ်ဌာနဆိုင်ရာဝန်ထမ်းများ၊ ပြည်တွင်း၊ ပြည်ပပညာရှင်များက ပေါင်းစပ်ညှိနှိုင်းပြီး ရေရှည်၊ ရေတိုစီမံကိန်းများ၊ နည်းဗျူဟာများ ပေါင်းစပ်ညှိနှိုင်းမှုများ၊ ဖြေလျှော့ဆောင်ရွက်မှုများနှင့် စီမံခန့်ခွဲမှု လုပ်ငန်းစဉ်များအတိုင်း ဆက်လက်ဆောင်ရွက်သွားကြရန် လိုအပ်ပါကြောင်း၊ အဆိုပါ လုပ်ငန်းစဉ်များကိုလည်း သက်ဆိုင်ရာတာဝန်ရှိသူများ၏ ပူးပေါင်းဆောင်ရွက် ညှိနှိုင်းမှုများနှင့် အောင်မြင်အောင် ဆက်လက် ဆောင်ရွက်သွားနိုင်ကြမည်ဟုယုံကြည်ပါကြောင်း။
ပုဂံဒေသကို ကမ္ဘာ့အမွေအနှစ် တင်သွင်းနိုင်ရေးဆောင်ရွက်ရာတွင် ပါဝင်ခဲ့သည့် သက်ဆိုင်ရာ ဝန်ကြီးဌာနများ၊ အစိုးရအဖွဲ့အစည်းများ၊ ဆက်စပ်ဌာနဆိုင်ရာများ၊ ပြည်တွင်း၊ ပြည်ပမှပညာရှင်များ၊ ပုဂံဒေသခံပြည်သူများ၊ အသင်းအဖွဲ့များ၊ အနုပညာရှင်များ၊ ကမ္ဘာ့အမွေအနှစ် စာရင်းတင်သွင်းရာတွင် ကြိုးပမ်းအားထုတ် ပူးပေါင်းပါဝင် ပံ့ပိုးကူညီခဲ့ကြသူများ အားလုံးကိုကျေးဇူးတင်ရှိပါကြောင်း ပြောကြား သည်။
ထို့နောက် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က “ ဒီနေ့ပုဂံယဉ်ကျေးမှု ဒေသကို ကမ္ဘာ့အမွေအနှစ် စာရင်းဝင်နေရာ တစ်ခုဖြစ်ဖို့အတွက် ကူညီတဲ့သူများအားလုံးကို ကျေးဇူးတင်ခွင့်ရတဲ့ အတွက်အင်မတန်မှ ၀မ်းသာပါတယ်။ အမွေအနှစ်ဆိုတာဟာ ကျွန်မတို့နောင်လာ နောက်သား များအတွက် ချန်ခဲ့သင့်တဲ့အရာတွေလို့ ပြောလို့ရပါတယ်။ ကမ္ဘာ့အမွေအနှစ်ဆိုတော့ တစ်ကမ္ဘာလုံးမှာ ရှိတဲ့ နောင်မျိုးဆက်တွေအတွက်ချန်ခဲ့သင့်တဲ့ကိစ္စ၊ ချန်ခဲ့ထိုက်တဲ့ကိစ္စဆိုပြီးဒီလိုမှတ်ယူလို့ရပါတယ်။
ကျွန်မတို့နိုင်ငံရဲ့ ယဉ်ကျေးမှုဒေသတစ်ခုဟာ ကမ္ဘာသူ၊ ကမ္ဘာသားများအားလုံးအတွက် ထိုက်တန်တဲ့ အမွေအနှစ်ဆိုပြီး သတ်မှတ်ခြင်းခံရတာ ဂုဏ်ယူစရာဆိုတာ အထူးပြောစရာမလိုပါဘူး။ ဒီလို ကမ္ဘာ့အမွေအနှစ် စာရင်းဝင် သတ်မှတ်လိုက်တဲ့အခါမှာ ကျွန်မတို့နိုင်ငံ တစ်ခုတည်းအတွက်သာ မဟုတ်ပါဘူး၊ ကမ္ဘာ့လူသားအားလုံးအတွက် ဖြစ်တယ်လို့ပြောလို့ရပါတယ်။ ဒီလိုကမ္ဘာ့အမွေအနှစ် အဖြစ်ရွေးချယ် သတ်မှတ်တဲ့အခါမှာ လူသားများအားလုံးအတွက် တန်ဖိုးရှိတာတွေကို ရွေးတယ်ဆိုတဲ့ မူအပေါ်မှာအခြေခံပြီးတော့ဆောင်ရွက်ကြပါတယ်။
လူသားများအားလုံး ပိုမိုပြီးတော့ နီးစပ်လာရေးအတွက်ကိုလည်း ဆောင်ရွက်တယ်လို့ သတ်မှတ်တဲ့ အဖွဲ့အစည်းများက ယူဆပါတယ်။ ဘာဖြစ်လို့လဲဆိုရင် လူသားများအားလုံးဟာ တူညီတဲ့အရာ တွေရှိတယ်၊ တူညီတဲ့အတွေးအခေါ် တွေရှိတယ်။ တူညီတဲ့အတွေးအခေါ်တွေကို စုပေါင်းပေးခြင်းဟာ ကမ္ဘာတစ်ခုလုံးအတွက်ကျေးဇူးတရားတစ်ခုဖြစ်တယ်၊ ကမ္ဘာတစ်ခုလုံးအတွက် အကျိုးဖြစ်တယ်ဆိုပြီး ယူဆခြင်းပဲ ဖြစ်ပါတယ်။
ရှေးဟောင်းသုတေသန ပညာရှင်တစ်ဦးက ရုပ်ပိုင်းဆိုင်ရာ သက်မဲ့ပစ္စည်းတွေဟာ တစ်ကယ်ပဲ သမိုင်းကို မှန်မှန်ကန်ကန် သက်သေထူတယ်လို့ ဆိုခဲ့ပါတယ်။ ဥပဒေအမြင်အရဆိုရင် သက်မဲ့ သက်သေများဟာ သက်ရှိသက်သေများထက် ပိုပြီးအားကိုးရတယ်၊ ပိုပြီးယုံကြည်ရတယ် ဆိုတဲ့အတိုင်း သက်မဲ့ပစ္စည်းအရာဝတ္ထုများဟာ အရင်တုန်းကသမိုင်းဖြစ်ရပ်ကိုဖြစ်ရပ်အတိုင်းကိုပြနေပါတယ်။
ဒါပေမဲ့ ဖြစ်ရပ်အတိုင်းကို ပြတယ်ဆိုပေမယ့် ဒီပစ္စည်းတွေကို၊ အရင်တုန်းက အမွေအနှစ်တွေကို ကြည့်ရှုလေ့လာတဲ့ သူတိုင်းဟာ ကိုယ့်ရဲ့အတွေးအခေါ်၊ ကိုယ့်ရဲ့အမြင်လေးနဲ့ ကဗျာဆန်ဆန်နဲ့ ပြန်လည်ပြီး အတိတ်ကို ဖန်တီးနိုင်ပါတယ်။ ဒီလိုဖန်တီးနိုင်ခြင်း စွမ်းအားကိုပေးတဲ့ အမွေအနှစ်တွေဟာ ကျွန်မတို့အတွက် တန်ဖိုးအရှိဆုံးပဲဖြစ်ပါတယ်။ ကျွန်မတို့ရဲ့ နောင်လာနောက်သား များဟာလည်း ပုဂံဒေသကိုကြည့်ခြင်းအားဖြင့်၊ တခြားကမ္ဘာတစ်ဝန်းမှာ ရှိတဲ့ကမ္ဘာ့အမွေအနှစ်တွေကို ကြည့်ခြင်း အားဖြင့် အရင်တုန်းက လူသားတွေဟာ ဘယ်လိုရုန်းကန်ခဲ့ရတယ်၊ ဘယ်လိုနေထိုင်ခဲ့တယ်၊ ဘယ်လို ဘ၀ကိုရင်ဆိုင်ခဲ့တယ်၊ နောင်လည်းရင်ဆိုင် သွားကြရမယ်၊ ရပ်တည်သွားရမယ်ဆိုတဲ့ အသိဥာဏ်တွေ ဖြစ်စေပါတယ်။
ကျွန်မတို့ရဲ့လူသားများဟာ တစ်ဦးကိုတစ်ဦး လေးစားဖို့အင်မတန် အရေးကြီးပါတယ်။ ဒီလိုလေးစား နိုင်ဖို့အတွက် ကမ္ဘာ့အမွေအနှစ်များဟာ ကျွန်မတို့ကို လမ်းပြနေတယ် လို့မြင်ပါတယ်။ ဘာဖြစ်လို့လဲ ဆိုတော့ ကမ္ဘာ့အမွေအနှစ်ဆိုတာဟာ ကမ္ဘာကြီးရဲ့တစ်နေရာ၊ နှစ်နေရာတင်မဟုတ်ပါဘူး၊ ကမ္ဘာကြီး တစ်ခုလုံးမှာပြန့်နှံ့ပြီးတော့ရှိပါတယ်။ကျွန်မတို့နိုင်ငံမှာတင်မကတခြားနိုင်ငံတွေမှာရှိပါတယ်။ဥရောပ၊အမေရိက၊အာဖရိက၊အာရှစတဲ့တိုက်ကြီးများ အသီးသီးမှာ ကမ္ဘာ့အမွေအနှစ် တွေရှိပါတယ်။ လူသား အားလုံးဟာ နောင်လာနောက်သား တွေအတွက်တန်ဖိုးရှိတဲ့ အမွေအနှစ်တွေကို ထားပစ်ခဲ့နိုင်တယ် ဆိုတာကိုသက်သေထူတာလည်းဖြစ်ပါတယ်။
ဒါကြောင့်မို့ ဒီလိုကမ္ဘာ့အမွေအနှစ်များ ရွေးချယ်ပြီး စာရင်းဝင်အောင်၊ ကမ္ဘာ့အမွေအနှစ် စာရင်းဝင် အောင် လုပ်ပေးတဲ့ပုဂ္ဂိုလ်များ၊ အဖွဲ့အစည်းများကို ကျွန်မတို့ကျေးဇူးတင်ပါတယ်။ ကျေးဇူးတင်တာဟာ ကျွန်မတို့နိုင်ငံအတွက် လုပ်ပေးလို့တင်မဟုတ်ဘူး။ ကျွန်မတို့ကမ္ဘာမှာရှိတဲ့ လူသားများအားလုံး ယဉ်ကျေးမှုအပေါ်မှာ အခြေခံပြီးတော့၊ သမိုင်းဖြစ်ရပ်တွေအပေါ်မှာ အခြေခံပြီးတော့ တစ်ဦးအပေါ် တစ်ဦး ပိုပြီးနားလည်မှု ရှိလာဖို့အတွက်၊ နီးစပ်မှုရှိလာဖို့အတွက် ကူညီတယ်လို့မြင်တာကြောင့် ကျေးဇူး တင်တယ်လို့ပြောချင်တာပါ။
ဘာဖြစ်လို့လဲဆိုတော့ ပုဂံဒေသကို ကြည့်မယ်ဆိုရင် ကျွန်မတို့ဟာ အတိတ်နဲ့ပစ္စုပ္ပန် ဘယ်လို ဆက်နွယ်နေသလဲဆိုတာ မြင်ရပါတယ်။ ကျွန်မတို့ရဲ့ ပုဂံဒေသဟာ အရင်တုန်းက ဂူပုထိုးတွေ ရှိရုံသာမက အခုလည်းကျွန်မတို့ရဲ့ ပြည်သူများ နေထိုင်နေတဲ့ ဒေသတစ်ခု ဖြစ်ပါတယ်။ ဒါကိုတော့ ကျွန်မအထူး ဂုဏ်ယူပါတယ်။ တချို့ကမ္ဘာ့အမွေအနှစ် နေရာတွေဆိုရင် ပြတိုက်သဖွယ် အရင်တုန်းကသမိုင်းကို သက်သေထူပြီး အခုပစ္စုပ္ပန်ဘ၀တွေနဲ့ ဆက်နွယ်မှု နည်းနေတာတွေ တွေ့ရပါတယ်။ ဒါပေမယ့် ပုဂံဒေသဟာဆိုရင် ရှေးအမွေအနှစ်တွေလည်းရှိတယ်၊ လက်ရှိပြည်သူတွေ လည်းနေထိုင်လှုပ်ရှား နေတာကြောင့် ကျွန်မတို့ရဲ့ယဉ်ကျေးမှုဟာ အဆက်မပြတ်ဘဲနဲ့ ယဉ်ကျေးမှုတည်ခဲ့နိုင်တယ်၊ မြန်မာနိုင်ငံ အလယ်ပိုင်းမှာ ပေါက်ဖွားလာတဲ့ ဒီယဉ်ကျေးမှုကြီးဟာ နှစ်ပေါင်းများစွာ ဆက်ကာ၊ ဆက်ကာ အခုခေတ်ကျွန်မတို့ခေတ်အထိ အမွေဆက်ခံခွင့် ပေးခဲ့တယ် ဆိုတာကို ကျွန်မတို့ကို ထောက်ပြနေတာလည်း ဖြစ်ပါတယ်။ ဒါကြောင့်မို့ ကျွန်မတို့ဒီလို ဖြစ်နိုင်ဖို့အတွက် ကမ္ဘာပေါ်မှာ မတူညီတဲ့ ယဉ်ကျေးမှုတွေ၊ မတူညီတဲ့လူမျိုးတွေ၊ မတူညီတဲ့ အတွေးအခေါ်တွေကို စုစည်းပေးဖို့အတွက် လုပ်ဆောင်ပေးခဲ့တဲ့ ပုဂံဒေသကို ကမ္ဘာ့အမွေအနှစ် စာရင်းဝင်အောင်လို့ ကူညီပေးတဲ့ တာဝန်ရှိပုဂ္ဂိုလ်များ၊ အဖွဲ့အစည်းများကို ကျေးဇူးတင်ကြောင်း ပြောချင်ပါတယ်။
UNESCO, JICA ၊ World Bank ၊ အလှူရှင်နိုင်ငံများဖြစ်တဲ့ အီတလီ၊ တရုတ်၊ ဂျပန်၊ ကိုရီးယားသမ္မတနိုင်ငံ၊ သာသနာရေးနှင့် ယဉ်ကျေးမှုဝန်ကြီးဌာနနဲ့ သက်ဆိုင်ရာဝန်ကြီးဌာနများ၊ အစိုးရ အဖွဲ့အစည်းများ၊ ဆက်စပ်ဌာနဆိုင်ရာများ၊ လွှတ်တော်ကိုယ်စားလှယ်များ၊ ပုဂံဒေသခံပြည်သူများ၊ အသင်းအဖွဲ့များ၊ အနုပညာရှင်များ၊ ပံ့ပိုးကူညီပေးခဲ့ကြတဲ့သူများ အားလုံးကို အထူးကျေးဇူးတင်ပါတယ် လို့ ပြောရင်းနဲ့နိဂုံးချုပ်ပါတယ် ” ဟု ပြောကြားသည်။
ယင်းနောက် သာသနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုက ပုဂံယဉ်ကျေးမှု အမွေအနှစ်ဒေသအား ကမ္ဘာ့အမွေအနှစ်စာရင်းဝင်အဖြစ် သတ်မှတ်ခံနိုင်ရေးအတွက် ဆောင်ရွက်ခဲ့မှုများနှင့် စပ်လျဉ်း၍ ရှင်းလင်းတင်ပြသည်။
ထို့နောက် ပုဂံယဉ်ကျေးမှု အမွေအနှစ်ဒေသအား ကမ္ဘာ့အမွေအနှစ် စာရင်းဝင်အဖြစ် သတ်မှတ်ခြင်း ခံရသည့်အတွက် ပါဝင်ကူညီဆောင်ရွက်ပေးခဲ့ကြသည့် ပြည်ပပညာရှင်များနှင့် အဖွဲ့အစည်းများအား ဂုဏ်ပြုမှတ်တမ်းလွှာများကို ပေးအပ်ရာ နိုင်ငံတော်သမ္မတက ထိုင်းနိုင်ငံမှ Ms. MonitoraUnakul ၊ အင်္ဂလန်နိုင်ငံမှ Ms. Elizabeth Moore ၊ သြစတြေးလျနိုင်ငံမှ Ms. Charlotte Galloway ၊ UNESCO မှ မြန်မာနိုင်ငံတာဝန်ခံ Ms. Min Jeong Kim ၊ JICA မှ မြန်မာနိုင်ငံတာဝန်ခံ Mr. Masayuki Karasawa နှင့် ကမ္ဘာ့ဘဏ်မှ Mr. GevorgSargsyan တို့အား ဂုဏ်ပြုမှတ်တမ်း လွှာများ ပေးအပ်ချီးမြှင့်သည်။
ဆက်လက်၍ နိုင်ငံတော်၏အတိုင်ပင်ခံပုဂ္ဂိုလ်က ပြည်ပပညာရှင်များ၊ အလှူရှင်နိုင်ငံများမှ တာဝန်ရှိ ပုဂ္ဂိုလ်များနှင့် ၀န်ကြီးချုပ်များဖြစ်ကြသည့် သြစတြေးလျနိုင်ငံမှ Mr. Duncan Marshall ၊ ဆွစ်ဇာလန်နိုင်ငံမှ Mr. Kaiweise ၊ အမေရိကန်နိုင်ငံမှ Mr. Richard Engelhardt ၊ မြန်မာနိုင်ငံဆိုင်ရာ ကိုရီးယားသမ္မတနိုင်ငံသံအမတ်ကြီး၊ တရုတ်ပြည်သူ့ သမ္မတနိ်ုင်ငံယဉ်ကျေးမှုသံမှူး၊ မန္တလေးတိုင်း ဒေသကြီး ၀န်ကြီးချုပ် ဒေါက်တာဇော်မြင့်မောင်၊ မကွေးတိုင်းဒေသကြီး ၀န်ကြီးချုပ် ဒေါက်တာ အောင်မိုးညိုတို့အား ဂုဏ်ပြုမှတ်တမ်းလွှာများ ပေးအပ်ချီးမြှင့်သည်။
ထို့နောက် ဒုတိယသမ္မတဦးမြင့်ဆွေက မန္တလေးတိုင်းဒေသကြီးဝန်ကြီးနှင့် ပြည်တွင်းပညာရှင်များ ဖြစ်ကြသည့် မန္တလေးတိုင်းဒေသကြီး စီမံကိန်းနှင့် ဘဏ္ဍာရေးဝန်ကြီး ဦးမြတ်သူ၊ ရှေးဟောင်း သုတေသနနှင့် အမျိုးသားပြတိုက် ဦးစီးဌာန ညွှန်ကြားရေးမှူးချုပ် ဦးကျော်ဦးလွင်၊ BaganTechanical Expert Team, Advisory Chairman ဒေါက်တာအောင်မြတ်ကျော်၊ မြန်မာနိုင်ငံ ဗိသုကာအသင်း နာယက ဒေါက်တာကျော်လတ်၊ ရှေးဟောင်းသုတေသနဦးစီးဌာန ညွှန်ကြားရေးမှူးချုပ်(ငြိမ်း) ဦးညွန့်ဟန်နှင့် ရှေးဟောင်းသုတေသန၊ အမျိုးသားပြတိုက်နှင့် စာကြည်တိုက်ဦးစီးဌာန ညွှန်ကြားရေးမှူး ချုပ်(ငြိမ်း)ဒေါက်တာစန်းဝင်းတို့အား ဂုဏ်ပြုမှတ်တမ်းလွှာများပေးအပ်ချီးမြှင့်သည်။
ယင်းနောက် ဒုတိယသမ္မတ ဦးဟင်နရီဗန်ထီးယူက ပြည်တွင်းပညာရှင်နှင့် လွှတ်တော် ကိုယ်စား လှယ်များ ဖြစ်ကြသည့် ရှေးဟောင်းသုတေသနနှင့် အမျိုးသားပြတိုက်ဦးစီးဌာန ဒုတိယ ညွှန်ကြားရေးမှူးချုပ် (ငြိမ်း) ဦးအောင်ကြိုင်၊ ပြည်သူ့လွှတ်တော်ကိုယ်စားလှယ် ဦးဦးစော၊ အမျိုးသား လွှတ်တော်ကိုယ်စားလှယ် ဦးကျော်တုတ်၊ တိုင်းဒေသကြီး လွှတ်တော်ကိုယ်စားလှယ် ဦးဝင်းမြင့်ခိုင်နှင့် ဦးမြင့်စိန်တို့အား ဂုဏ်ပြုမှတ်တမ်းလွှာများပေးအပ်ချီးမြှင့်သည်။
ထို့နောက် ပြည်ထောင်စုဝန်ကြီး သူရဦးအောင်ကိုက ရှေးဟောင်းသုတေသနနှင့် အမျိုးသားပြတိုက် ဦးစီးဌာနမှ ၀န်ထမ်းများ၊ ဆက်စပ်ဌာနဆိုင်ရာများ၊ နှလုံးသားထဲက ပုဂံဓာတ်ပုံအဖွဲ့နှင့် ပရဟိတ အဖွဲ့များကိုယ်စား တာဝန်ရှိသူများအား ဂုဏ်ပြုမှတ်တမ်းလွှာများပေးအပ်သည်။
ထို့နောက် နိုင်ငံတော်သမ္မတ၊ နိုင်ငံတော်၏အတိုင်ပင်ခံပုဂ္ဂိုလ်၊ တာဝန်ရှိသူများနှင့် တက်ရောက် လာကြသူများသည် ပုဂံယဉ်ကျေးမှု အမွေအနှစ်ဒေသအား ကမ္ဘာ့အမွေအနှစ် စာရင်းဝင်အဖြစ် သတ်မှတ်နိုင်ရေးအတွက် လုပ်ငန်းဆောင်ရွက်ခဲ့မှု ဗီဒီယိုမှတ်တမ်းကိုကြည့်ရှုကြသည်။
ယင်းနောက် ဂုဏ်ပြုမှတ်တမ်းလွှာ လက်ခံရရှိသူများကိုယ်စား နှလုံးသားထဲမှ ပုဂံဓာတ်ပုံအဖွဲ့မှ အဖွဲ့ဝင်တစ်ဦးက ကျေးဇူးတင်စကားပြောကြားသည်။
ထို့နောက် နိုင်ငံတော်သမ္မတ၊ နိုင်ငံတော်၏အတိုင်ပင်ခံပုဂ္ဂိုလ်နှင့် တာဝန်ရှိသူများသည် ပုဂံယဉ်ကျေးမှု အမွေအနှစ်ဒေသအား ကမ္ဘာ့အမွေအနှစ်စာရင်းအဖြစ် သတ်မှတ်ခဲ့ခြင်းအတွက် ပါဝင်ကူညီ ဆောင်ရွက်ခဲ့ကြသူများနှင့် စုပေါင်းမှတ်တမ်းတင် ဓာတ်ပုံရိုက်ကြသည်။
ယင်းနောက် နိုင်ငံတော်သမ္မတ၊ နိုင်ငံတော်၏အတိုင်ပင်ခံပုဂ္ဂိုလ်နှင့် အခမ်းအနားသို့ တက်ရောက် လာကြသူများသည် ပုဂံယဉ်ကျေးမှု အမွေအနှစ်ဒေသအား ကမ္ဘာ့အမွေအနှစ် စာရင်းအဖြစ် သတ်မှတ်ခဲ့ခြင်းအတွက် ပါဝင်ကူညီဆောင်ရွက် ခဲ့ကြသူများနှင့်အတူ ဂုဏ်ပြုညစာကိုအတူတကွ သုံးဆောင်ကြသည်။
ညစာစားပွဲအပြီးတွင် နိုင်ငံတော်သမ္မတ၊ နိုင်ငံတော်၏ အတိုင်ပင်ခံပုဂ္ဂိုလ်နှင့် အခမ်းအနားသို့ တက်ရောက်လာကြသူများသည် သာသနာရေးနှင့် ယဉ်ကျေးမှုဝန်ကြီးဌာန အနုပညာဦးစီးဌာနမှ အနုပညာရှင်များက ပုဂံခေတ် ရိုးရာအကများဖြင့် ဖျော်ဖြေတင်ဆက်မှုကို ကြည့်ရှုအားပေးကြသည်။
Credit - MOI
The Ladies News
0 comments:
Post a Comment