ဆေးတက္ကသိုလ်များတွင် လူနာများအတွက်လုံခြုံမှု(Patient Safety) ကို ဘာသာရပ်တစ်ရပ်အဖြစ် ထည့်သွင်း သင်ကြားရန်ညွှန်ကြားထားကြောင်း ကျန်းမာရေးနှင့်အားကစားဝန်ကြီးဌာနမှ ပြည်ထောင်စုဝန်ကြီး ဒေါက်တာမြင့်ထွေးက ပြောသည်။
ဒုတိယအကြိမ်အမျိုးသားလွှတ်တော် ၁၃ ကြိမ်မြောက်ပုံမှန်အစည်းအဝေး ၁၂ ရက်မြောက်နေ့တွင် ယင်းကဲ့သို့ ပြောခြင်းဖြစ်သည်။
“လူနာ ဆေးရုံစတက်ကတည်းက လူနာရောဂါအခြေအနေမေးတဲ့ကိစ္စ၊ ဆေးရုံတက်တဲ့တစ်လျှောက်လုံးကိစ္စ၊ ဆင်းတဲ့ကိစ ၊ ဆရာဝန်ကဆေးဝယ်လို့ ဘယ်လိုရေးသလဲ။မှားရေးသလား၊ လူနာဆင်းလိုက်တဲ့အခါမှာလည်း ပေးလိုက်တဲ့စာရွက်ကပြည့်စုံလား။မပြည့်စုံဘူးလား။ ဒါတွေအကုန်လုပ်ဖို့အတွက် အရမ်းကျယ်ပြန့်တဲ့အတွက် အဖွဲ့တွေဖွဲ့ပြီးလုပ်ဖို့ရှိပါတယ်။ တိုက်တိုက်ဆိုင်ဆိုင်ပဲ။ဆင်းဟတ်နဲ့တီးမားဆတ်ဖောင်ဒေးရှင်းနဲ့ MOU စာချွန်လွှာ ထိုးပါတယ်။ သူတို့အနေနဲ့ စင်ကာပူကဆရာဝန်တွေ ကျွန်တော်တို့ဆီလာပြီးသင်တန်းပေးမယ်။ တွဲလုပ်မယ်။ Patient Safety နဲ့ အရည်အသွေးပြည့်မီသောကျန်းမာရေးဝန်ဆောင်မှုကို သင်တန်းပေးမယ်။ ၃ နှစ် လုပ်ပါတယ်။အခုလည်းသူတို့ပေးနေပါပြီ။ နောက်တစ်ချက်က လာမယ့်ဝန်ကြီးသက်တမ်းမှာ ဒါကိုအထူးဦးစားပေးလုပ်ဖို့ဆုံးဖြတ်ထားပါတယ်။ ဒါကအရေးကြီးတဲ့အတွက် Patient Safety ကို သင်ရိုးညွှန်းတမ်းထဲမှာ ဘာသာရပ်အနေနဲ့သင်ကြားဖို့ပြောထားပြီးပါပြီ။ ဒါမှသာလျှင် ဆရာဝန်တွေက ဘယ်လောက်အရေးကြီးတယ်ဆိုတာသိမယ်’’ဟု ကျန်းမာရေးနှင့်အားကစားဝန်ကြီးဌာနမှ ပြည်ထောင်စုဝန်ကြီး ဒေါက်တာမြင့်ထွေးက ပြောသည်။
ဆေးတက္ကသိုလ်များအနေဖြင့် ဆေးတက္ကသိုလ် ၁ လမ်းမတော်၊ ပြည်လမ်း၊ ဆေးတက္ကသိုလ် ၂ မြောက်ဥက္ကလာပ၊ မန္တလေးဆေးတက္ကသိုလ် စသည့်ပြည်နယ်နှင့်တိုင်းဒေသကြီးများတွင်တည်ရှိကြောင်း သိရသည်။
လက်ရှိတွင် ရန်ကုန်ပြည်သူ့ဆေးရုံကြီး၊ မန္တလေးပြည်သူ့ဆေးရုံကြီးစသည့်ဆေးရုံကြီးများတွင် အရေးပေါ်လူနာအားလုံးအတွက် ဆေးနှင့်ဆေးကုသပစ္စည်း၊ ဆေးစစ်မှုအားလုံးတို့မှာ အခမဲ့ဖြစ်ကြောင်း သိရသည်။
မင်းသီဟန် ( အကုန်သိသတင်းဌာန )
0 comments:
Post a Comment