ဘဂါင်္လီအရေးနှင့်ပတ်သက်၍ မြန်မာနုိုင်ငံကုိုပြစ်တင်ရှုံ့ချရန် အင်ဒုိုနီးရှားပါလီမန်ကုိုယ်စားလှယ်အဖွဲ့၏ကြိုးပမ်းမှုကုို မြန်မာလွှတ်တော်ကုိုယ်စားလှယ်အဖွဲ့က ယမန်နေ့(သြဂုတ် ၂၅ ရက်)ညပုိုင်းတွင် ပယ်ချခဲ့သည်။
ထုိုင်းနုိုင်ငံ၊ ဘန်ကောက်မြို့၌ကျင်းပနေသည့် အကြိမ် ၄၀ ပြည့် အာဆီယံပါလီမန်များအထွေထွေညီလာခံ၊ ပထမနေ့(သြဂုတ် ၂၅ရက်)ညပိုင်းတွင် AIPA(အာဆီယံပါလီမန်များညီလာခံ)၏ Executive Committee(အလုပ်အမှုဆောင်အစည်းအဝေး)ကုိုကျင်းပခဲ့ရာ ယင်းအစည်းအဝေးတွင် မြန်မာလွှတ်တော်ကုိုယ်စားလှယ် အဖွဲ့က အင်ဒုိုနီးရှားပါလီမန်၏ကြိုးပမ်းမှုကုို ပယ်ချခဲ့ခြင်းဖြစ်ကြောင်း ညီလာခံသုို့လုိုက်ပါသွားသူ စမ်းချောင်းအမတ် ဦးဘုိုဘုိုဦးက 7Day Daily သတင်းစာကုို ပြောသည်။
မူလက အင်ဒုိုနီးရှားပါလီမန်အဖွဲ့သည် နုိုင်ငံရေးကဏ္ဍအဖြစ် ‘Resolution on Responding to the Humanitarian Crisis of the Rohingya People’ ခေါင်းစဉ်ဖြင့် သြဂုတ် ၂၇ ရက်တွင် အဆုိုတင်သွင်းရန်လျာထားခြင်းဖြစ်သည်။
သုို့သော် လက်ရှိတွင် အင်ဒုိုနီးရှား၏ အထက်ပါအဆုိုမူကြမ်းအပါအ၀င် အဆုိုမူကြမ်း ၄ ခုစလုံးကုို Executive Committee အစည်းအဝေးတွင် ပယ်ဖျက်ခဲ့ကြောင်း ဦးဘုိုဘုိုဦးက ရှင်းပြသည်။
ယမန်နေ့ည အစည်းအဝေးတွင် မြန်မာလွှတ်တော်ကုိုယ်စားလှယ်အဖွဲ့က ရခုိုင်ပြည်နယ်မြောက်ပုိုင်းအခြေအနေကုို ရှင်းလင်းခဲ့ပြီး မြန်မာအစုိုးရ၏လုပ်ဆောင်နေမှုကုို လွှတ်တော်က မျက်ခြေမပြတ်စောင့်ကြည့်နေကြောင်းနှင့် အားရစရာရှိကြောင်း၊ နုိုင်ငံရေးအရအကြပ်ကုိုင်ခံနေရမှုကုို သိရှိရန်လုိုအပ်ကြောင်း စသည်ဖြင့် ထည့်သွင်းရှင်းလင်းခဲ့သည်ဟုဆုိုသည်။
အထက်ပါ ညီလာခံသုို့ လွှတ်တော်ရေးရာစွမ်းရည်မြှင့်တင်ရေးအကြံပေးအဖွဲ့၊ အဖွဲ့ ခေါင်းဆောင် သုံးခွမြို့နယ်ပြည်သူ့လွှတ်တော်ကုိုယ်စားလှယ် ဒေါ်စုစုလွင် ဦးဆောင်၍ အဖွဲ့ဝင် (၁၉)ဦးပါလွှတ်တော်ကုိုယ်စားလှယ်များ တက်ရောက်နေခြင်းဖြစ်သည်။
သတင်း - ထက်အာကာကျော်
ဓာတ်ပုံ - Than Win Facebook
7Day
0 comments:
Post a Comment