မြန်မာအစိုးရအာဏာပိုင်တွေကို ကျေးဇူးတင်ရှိကြောင်း ထုတ်ပြန်ချက်ကို သြဂုတ်(၂၂)ရက် ညနေပိုင်းမှာ အမေရိကန်သံရုံးက အင်္ဂလိပ်- မြန်မာ နှစ်ဘာသာနဲ့ ထုတ်ပြန်ကြေညာပါတယ်။ အဲဒီထုတ်ပြန်ချက်မှာ အမေရိကန်နိုင်ငံသားတွေကို ရှမ်းပြည်နယ်အရှေ့မြောက်ပိုင်းဒေသကနေ ဘေးကင်းလုံခြုံစွာထွက်ခွာနိုင်ဖို့ သယ်ယူပို့ဆောင်မှု လွယ်ကူချောမွေ့စေရေးအတွက် အကူအညီပေးကြတဲ့ မြန်မာအစိုးရအာဏာပိုင်တွေကို များစွာကျေးဇူးတင်ရှိပါတယ်လို့ ဖော်ပြထားပါတယ်။
ကွတ်ခိုင်မြို့မှာ ပိတ်မိနေတဲ့ နိုင်ငံခြားသား(၂၈)ယောက်ကို သြဂုတ်(၂၂)နေ့လယ်ပိုင်းက ကွတ်ခိုင်မြို့ကနေ လားရှိုးမြို့ကို တပ်မတော်ရဟတ်ယာဉ်(၂)စီးနဲ့သယ်ဆောင်ပေးခဲ့ပြီး လာရှိုးလေဆိပ်ကတစ်ဆင့် ရန်ကုန်မြို့ကို တပ်မတော်လေယာဉ်နဲ့ ပို့ဆောင်ပေးခဲ့တာဖြစ်ပါတယ်။
အဲဒီနိုင်ငံခြားသား(၂၈)ယောက်ထဲမှာ အမေရိကန်နိုင်ငံသား (၉)ယောက်၊ တရုတ်နိုင်ငံသား(၁၄)ယောက်၊ ဟောင်ကောင်က(၂) ယောက်၊ ထိုင်ဝမ်နိုင်ငံသား(၂)ယောက်နဲ့ ကနေဒါနိုင်ငံသား(၁) ယောက်ပါဝင်တယ်လို့ တပ်မတော်က တာဝန်ရှိသူတစ်ဦးက ပြောကြားထားပါတယ်။
အဲဒီ နိုင်ငံခြားသား(၂၈) ယောက်ဟာ တိုက်ပွဲတွေစတင်ဖြစ်ပွားခဲ့တဲ့ သြဂုတ်(၁၅)ရက်ကနေ (၂၂)ရက်အထိ (၇)ရက်ကြာ ပိတ်မိနေခဲ့ရာကနေ ပြန်လည်ရောက်ရှိလာတာ ဖြစ်ပါတယ်။
0 comments:
Post a Comment