မွန်ပြည်နယ် ပေါင်မြို့နယ်က မြေပြိုခဲ့တဲ့ မလတ်တောင် တောင်ကြောနဲ့ ဆက်စပ်နေတဲ့ နေရာက ကျောင်းကို အမြန်ဆုံး ပြောင်းရွှေ့ပေးဖို့ မိဘဆရာတွေက တောင်းဆိုလိုက်ပါတယ်။
လူအစုအလိုက် အပြုံအလိုက် သေဆုံးခဲ့တဲ့ မလတ်တောင်ကြောနဲ့ ဆက်စပ်နေတဲ့ မွန်ပြည်နယ် ပေါင်မြို့နယ် သဲဖြူကုန်းကျေးရွာ အုပ်စု၊ ရဲပြားကုန်းကျေးရွာရှိ မူလတန်းကျောင်းကို အမြန်ဆုံး ပြောင်းရွှေ့ပေးဖို့ ကျောင်းသားမိဘတွေနဲ့ ဆရာ၊ ဆရာမတွေက တောင်းဆိုလိုက်တာပါ။
ရဲပြားကုန်းကျေးရွာက မူလတန်းကျောင်းဟာ မလတ်တောင်ပြိုကျရာ နေရာနဲ့ မီတာ၅၀၀ အကွာမှာ တည်နေတာ ဖြစ်ပြီး၊ ကျောင်းရဲ့ အပေါ်ပိုင်းမှာတော့ အောင်စင်္ကြာစေတီ တည်ရှိနေတာပါ။
အခုအခါ အောင်စင်္ကြာစေတီရဲ့ အရံစေတီတွေ ယိမ်းယိုင်လာတဲ့အတွက်ကြောင့် ပြောင်းရွှေ့ထားရပြီး တောင်ပြိုကျလာနိုင်တဲ့ အခြေအနေကို စိုးရိမ်နေကြတာကြောင့် မူလတန်းကျောင်းကို အမြန်ဆုံး ပြောင်းရွှေ့ပေးဖို့ ဆရာ၊ ဆရာမတွေကလိုလားနေကြတာလို့ ဆရာမ ဒေါ်သီတာလွင်က ပြောပါတယ္။
ဒီမူလတန်းကျောင်းမှာတော့ ကျောင်းသူ ကျောင်းသား ၁၄၄ ဦး ရှိကာ အခုအခါမှာတော့ ကျောင်းသူ ကျောင်းသား ၆၀ လောက်သာ ကျောင်းလာတက်နေကြပြီး တောင်ရဲ့ အခြေအနေကြောင့် မိုးရွာလာရင် အလိုလို စိုးရိမ်နေရတယ်လို့ ဆရာမ ဒေါ်သူဇာနှင်းဝေက ပြောပါတယ်။
မလတ်တောင် ပြိုကျခဲ့တဲ့အတွက်ကြောင့် မူလတန်းကျောင်းကို ဘေးကင်းရာကို ပြောင်းရွှေ့စေလိုတယ်လို့ ကျောင်းသားမိဘတွေက ပြောပါတယ်။
အခုအခါ တောင်ရဲ့ အခြေအနေကြောင့် မိုးများလာရင် ကျောင်းသားတွေကို ပြန်လွှတ်ပေးပြီး ကျောင်းပိတ်ထားရတာပါ။
အခုလို အခြေအနေကြောင့် ကျောင်းသားမိဘ တချို့ကလည်း ကလေးတွေကို ကျောင်းမလွှတ်ကြဘူးလို့ ဆရာ ဆရာမတွေက ပြောပါတယ်။
လူအစုံအလိုက် အပြုံအလိုက် သေဆုံးခဲ့တဲ့ မလတ်တောင်ပြိုမှုမှာတော့ ဒီမူလတန်းကျောင်းက ကျောင်းသား ၁၂ ယောက် မြေပိ သေဆုံးခဲ့ပါတယ်။
ဇော်လွင်ထွဋ်
DVB
0 comments:
Post a Comment