ဖိနှိပ်ကန့်သတ်မှုများ မလုပ်ရန် မြန်မာလုပ်သားများ ထိုင်းအစိုးရထံ တောင်းဆို

အလုပ်သမားအခွင့် အရေး ဖိနှိပ်ကန့်သတ်မှု မရှိစေရန် မြန်မာအလုပ်သမားများအပါအဝင် ရွှေ့ပြောင်း အလုပ်သမားများ အရေးဆောင်ရွက်နေသည့် အဖွဲ့အစည်း ၁၆ ဖွဲ့က ထိုင်းနိုင်ငံ အလုပ်သမား ဝန်ကြီးဌာနထံ စာပို့တောင်းဆိုလိုက်သည်။

ရွှေ့ပြောင်းအလုပ်သမားများ ကူညီရေးအဖွဲ့ (MAP Foundation)၊ လူ့အခွင့်အရေးနှင့် ဖွံ့ဖြိုး တိုးတက် ရေး ဖောင်ဒေးရှင်း (HRDF) တို့အပါအဝင် အလုပ်သမားအဖွဲ့အစည်း တာဝန်ရှိသူများနှင့် အလုပ်သမားများက ထိုင်းနိုင်ငံမြောက်ပိုင်း ချင်းမိုင်မြို့ပေါ်ရှိ မြို့တော်ဝန်ရုံးသို့ သြဂုတ် ၆ ရက်နေ့ မွန်းလွဲပိုင်းက သွားရောက် တောင်းဆိုခဲ့ကြခြင်းဖြစ်သည်။

MAP Foundation အဖွဲ့၏ ရွှေ့ပြောင်းအလုပ်သမား အဖွဲ့အစည်းတာဝန်ခံ ထောင်းခမ်း က “သူတို့ (မြန်မာ အလုပ်သမားတွေ) မှာ အလုပ်ကြမ်းတွေပဲ လုပ်ခွင့်ရှိပါတယ်။ ဥပဒေ အရ လုပ်နိုင်တဲ့ အလုပ် ၃၈ ခုသတ်မှတ်ထား တယ်။ ဒါပေမယ့် ဆိုတဲ့ ချွင်းချက် ရှိသေးတယ်၊ အဲဒီ ဒါပေမယ့် အထဲမှာ ဥပမာ ပန်းရံလုပ်တယ်ဆိုရင် ပေကြိုးတွေကိုင် တာတို့ အချောသပ်တာတို့ကို သူတို့က ပေးမလုပ်ဘူး။ သွားစစ်ဆေးတဲ့ အချိန်မှာ မိရင် ဒဏ်ငွေဆောင်ရတယ်” ဟု သတင်းထောက် များကို ပြောသည်။

၎င်းကဆက်၍ “နောက်ပြီးတော့ ရွှေ့ပြောင်း အလုပ်သမားတွေ တကယ်လုပ်ရမယ့် အလုပ်က ဘာလဲ ဆိုတာ မတင်မကျဖြစ်နေတယ်။ မထင်မရှားဖြစ်နေတဲ့ အတွက် ဒီနေ့လာ တောင်းဆိုတာက ရွှေ့ပြောင်း လုပ်သားတွေ ဆန္ဒအရ ပေကြိုးတွေ ကိုင်နိုင်ဖို့ ကိုယ်တတ်ကျွမ်းသမျှ၊ ကျွမ်းကျင်သမျှ အလုပ်ကို လုပ်ကိုင်ခွင့်ရရှိရန် လာတောင်းဆိုတာပေါ့” ဟု ရှင်းပြသည်။

ထိုင်းအစိုးရ အလုပ်သမား ဝန်ကြီးဌာနက ၂၀၁၇ ခုနှစ်က ထုတ်ပြန်လိုက်သည့် အလုပ်သမား ဥပဒေ သစ်အရ ရွှေ့ပြောင်းလုပ်သားများသည် အလုပ်ကြမ်းများကိုသာ လုပ်ကိုင်ရမည့် သဘော ဖြစ်နေပြီး ဆောက်လုပ်ရေး လုပ်ငန်းခွင်များတွင် စီမံမှု အပိုင်းလုပ်နေကြသည့် မြန်မာ အချို့ ဆက်တိုက် ဖမ်းဆီးခံရမှုများ ရှိနေသည်ဟု အလုပ်သမားအရေး ဆောင်ရွက်နေသူများက ဆိုသည်။

၂၀၁၇ ခုနှစ်က ပြဌာန်းလိုက်သည့်နောက် သက်ဆိုင်ရာတာဝန်ရှိသူများက လုပ်ငန်းခွင်များကို သွား ရောက် စစ်ဆေးကြကြောင်း ထိုသို့ဆောင်ရွက်ရာတွင် ဆောက်လုပ်ရေး လုပ်ငန်းများတွင် ဆရာ အဆင့် အချောကိုင်သည့် လုပ်ငန်းများ လုပ်နေသည့် မြန်မာရွှေ့ပြောင်းလုပ်သားများ အဖမ်းခံခဲ့ ရခြင်းဖြစ်ကြောင်း လူ့အခွင့်အရေးနှင့် ဖွံ့ဖြိုးတိုးတက်ရေး ဖောင်ဒေးရှင်း (HRDF) အဖွဲ့ပြောခွင့်ရသူ စိုင်းကျော်ဝင်းမြင့် က ပြောသည်။

စိုင်းကျော်ဝင်းမြင့် က “ဘာဖြစ်လို့လဲဆိုတော့ အလုပ်သမား အက်ဥပဒေမှာ ပြဌာန်းတာက (ရွှေ့ပြောင်း) အလုပ်သမားတွေ အောက်ခြေသိမ်းပဲ လုပ်ရမယ်၊ ဆရာအဆင့် အချောကိုင်တဲ့ အလုပ်တွေ လုပ်လို့မရဘူး။ ဥပမာ အုတ်စီတာတို့၊ ဆေးသုတ်တာတို့ အချောကိုင်လို့မရဘူး” ဟု ရှင်းပြသည်။

၎င်းကဆက်၍ “ဒီဥပဒေအရ သူတို့က သက်ဆိုင်ရာဌာနကို အခွင့်အရေးတွေ ပေးထားတယ်။ ဖမ်းခံရပြီဆိုရင် အဲဒီအလုပ်သမားတွေကို ဗီဇာ ရုပ်သိမ်းပိုင်ခွင့်ရှိတယ်။ နောက်ပြီးတော့ ဒဏ်ကြေး မိမယ်၊ မြန်မာပြည်ကို ပြန်ပို့မယ်။ အဲနောက်ပိုင်း Black List သွင်းပြီး ထိုင်းနိုင်ငံကို ၂ နှစ် ပြန်ဝင်လာလို့ မရဘူး” ဟုလည်းဆိုသည်။

ထိုသို့ အလုပ်ခွင်များထဲတွင် ထိုင်းလူမျိုးများလည်း လုပ်ကိုင်သူနည်းသဖြင့် အလုပ်ရှင်များ အနေဖြင့် အခက်တွေ့ နေရကြောင်း ထို့ကြောင့် လုပ်ငန်းရှင်များကိုယ်တိုင် MAP Foundation၊ HRDF ကဲ့သို့ သော အဖွဲ့အစည်းများထံ လာရောက်၍ အကူအညီတောင်းလာသဖြင့် အစိုးရထံ တင်ပြရန် ဖြစ်လာခဲ့ ကြောင်း စိုင်းကျော်ဝင်းမြင့် က ဆိုသည်။

ထိုကဲ့သို့ဖမ်းဆီးမှုများကြောင့် အလုပ်တချို့ ရပ်နားရသလို အလုပ်သမားများအနေဖြင့်လည်း အလုပ် သွားရန်ပင် တွန့်ဆုတ်နေကြကြောင်း၊ မိလျှင်ဒဏ်ငွေဆောင်ခိုင်းမှုများ ရှိသကဲ့သို့ အိမ်ပြန်ပို့မှု များ လည်းရှိကြောင်း အလုပ်သမတဦး ဖြစ်သည့် နန်းလွမ်မန့် က ရှင်းပြသည်။

နန်းလွမ်မန့် က “တချို့တွေလည်း အဖေအမေတွေ ဖမ်းဆီးသွားပြီးတော့ ကလေးပဲ ကျန်ခဲ့တယ်။ အဲတော့ ကလေးက ယိုးဒယားမှာ ကျန်ခဲ့တယ်။ အဖေအမေတွေက မြန်မာပြည် ပြန်ပို့ခံရတယ်။ အဲလိုမျိုးတွေလည်း ဖြစ်နေတယ်” ဟု ရှင်းပြသည်။

ချင်းမိုင် မြို့တော်ဝန်ရုံးမှတဆင့် အလုပ်သမားဝန်ကြီးဌာနသို့ ပေးပို့မည့် စာထဲတွင် ၂၀၁၇ ခုနှစ်က ထုတ်ပြန်ခဲ့သော ရွှေ့ပြောင်း အလုပ်သမားဥပဒေကို ရှင်းရှင်းလင်းလင်း ဖော်ပြပေးရန်၊ ထိုဥပဒေနှင့် ပတ်သက်သည့် ဝန်ကြီး အစည်းအဝေး သဘောတူညီထားချက် များအား အမြန်ကြေညာပေးရန်၊ ထိုဥပဒေ မထုတ်ပြန်ခင် ထိုင်းနိုင်ငံ မြောက်ပိုင်းရှိ ရွှေ့ပြောင်း အလုပ်သမားအရေး ဆောင်ရွက်နေသည့် အဖွဲ့ ၁၆ ဖွဲ့နှင့် ချင်းမိုင်မြို့တော်ဝန်တို့ အကြား အမြန်တွေ့ဆုံဆွေးနွေးရန်တို့ပါရှိကြောင်းသိရသည်။

ချင်းမိုင်မြို့တော်ဝန် စူဖတ်ချိုင်အက်စူဝမ် ကတော့ တောင်းဆိုချက်များကို ကိုယ်တိုင် ထွက်၍ လက်ခံပြီး တောင်းဆိုချက်များကို အမြန်းဆုံးဆောင်ရွက်ပေးသွားမည်ဟု ကတိပြုသွားသည်။

ဧရာဝတီ