မြန်မာနိုင်ငံ၏အားလုံးပါဝင်နိုင်သောစီးပွားရေးဖွံ့ဖြိုးမှုနှင့်ငြိမ်းချမ်းသောဒီမိုကရက်တစ်အသွင်ကူးပြောင်းရေးအတွက်အမေရိကန်ပြည်ထောင်စုနှင့်ဂျပန်နိုင်ငံတို့ကဆက်လက်အားပေးကူညီမည်ဖြစ်ကြောင်း အမေရိကန် သံအမတ်ကြီး နှင့် ဂျပန် သံအမတ်ကြီးက ပြောဆိုလိုက်သည်။
မြန်မာ-ဂျပန်-အမေရိကန်တို့ပူးတွဲကျင်းပသောတာဝန်ယူမှု၊တာဝန်ခံမှုရှိသောရင်းနှီးမြှုပ်နှံမှုမြှင့်တင်ရေးဖိုရမ် မှာ ဂျပန် နှင့် အမေရိကန် သံအမတ်ကြီးတို့က ယင်းကဲ့သို့ ပြောဆိုလိုက်ခြင်းဖြစ်သည်။
“အမေရိကန်ကုမ္ပဏီတွေဟာတာဝန်ယူမှု၊တာဝန်ခံမှုရှိတဲ့ရင်းနှီးမြှုပ်နှံမှုတွေဆောင်ကြဉ်းပါတယ်၊ဒေသခံလုပ်သားတွေကိုခန့်အပ်ပြီးလေ့ကျင့်သင်တန်းတွေပေးပါတယ်၊အခွန်အခတွေပေးဆောင်ပါတယ်၊လာဘ်မထိုးပါဘူး၊သဘာဝပတ်ဝန်းကျင်ကိုကာကွယ်စောင့်ရှောက်ပြီးဒေသခံလူမှုအသိုက်အဝန်းတွေအတွက်အကျိုးရှိစေမယ့်ဥပဒေစည်းမျဉ်းစည်းကမ်းတွေကိုလိုက်နာပါတယ်” ဟု အမေရိကန် သံအမတ်ကြီးမာစီရယ်ကပြောပါသည်။
ထိုအပြင် “ကျွန်တော်တို့ဂျပန်နိုင်ငံကလည်းအမေရိကန်ပြည်ထောင်စုနဲ့အတူရေရှည်တည်တံ့တဲ့စီးပွားရေးဖွံ့ဖြိုးမှုမှာမြန်မာနိုင်ငံအောင်မြင်မှုရနေတာကို မြင်တွေ့ချင်ပါတယ်။ဒါကြောင့်လည်းဒီနေ့ဖိုရမ်ကိုကျင်းပဖို့ဆုံးဖြတ်ခဲ့တာဖြစ်ပါတယ်” ဟုဂျပန်သံအမတ်ကြီး မာရူယာမာကဆိုသည်။
ကုမ္ပဏီများကပြောကြားကြသော မြန်မာ စီးပွားရေးအတွက် ထိပ်တန်းစိန်ခေါ်မှုများထဲတွင်အခြေခံအဆောက်အုံ၊လုပ်ငန်းတစ်ရပ်အတွက်ထောက်ပံပို့ဆောင်မှုနှင့်နိုင်ငံခြားငွေများကိုလှဲလှယ်နှုန်းထားအပြောင်းအလဲကြီးကြီးမားမားမရှိဘဲအလွယ်တကူရောင်းဝယ်နိုင်ရေးကိစ္စရပ်များလည်းပါဝင်နေကြောင်းသိရသည်။
နေ၀န်း
0 comments:
Post a Comment