ဟောင်ကောင်မှာ သြဂုတ် ၄ ရက်က ရာနဲ့ချီတဲ့ အစိုးရဆန့်ကျင်ရေး ဆန္ဒပြသူတွေကို ရဲတပ်ဖွဲ့က မျက်ရည်ယိုဓာတ်ငွေ့သုံး လူစုခွဲခဲ့ပါတယ်။
ဈေးဝယ်အရပ်ဖြစ်တဲ့ ကော့စ်ဝေးဘေးလ်မှာ အဓိကရုဏ်း ရဲတပ်ဖွဲ့ဝင်တွေနဲ့ ဆန္ဒပြသူတွေ ထိပ်တိုက်တွေ့ခဲ့ပါတယ်။
ဆန္ဒပြသူတွေဟာ လျှပ်တပြက် နည်းပရိယာယ်တွေသုံးပြီး အဖမ်းမခံရအောင် တနေရာက တနေရာကို အလျင်အမြန် ပြောင်းရွှေ့ ဆန္ဒပြကြပါတယ်။
အဲဒီလိုပဲ အစိုးရဆန့်ကျင်ရေးသမားတွေက Telegram တို့လို အွန်လိုင်းပလက်ဖောင်းတွေကိုသုံးပြီး ရာနဲ့ချီတဲ့လူတွေကို ညွှန်ကြားကြတာပါ။
လူငယ်တွေဟာ ဆန္ဒပြပွဲတွေရဲ့ ရှေ့ဆုံးမှာ ပါဝင်နေပြီး သူတို့က လူနေမှုစရိတ်မြင့်မားမှုနဲ့ လူချမ်းသာတွေကို မျက်နှာလိုက်တယ်လို့ မြင်ကြတဲ့ အိမ်ရာမူဝါဒတွေ အပါအဝင် ပြဿနာ အတော်များများအပေါ် ဒေါသထွက်နေကြပါတယ်။
တရုတ်အစိုးရရဲ့ တနိုင်ငံ စနစ်နှစ်မျိုးနဲ့ သွားနေတဲ့ ဟောင်ကောင်မှာ ပြီးခဲ့တဲ့ လအနည်းငယ်က ပြစ်မှုကျူးလွန်သူတွေကို တရုတ်ပြည်မကြီးထံ လွှဲပြောင်းမယ်ဆိုတဲ့ ဥပဒေကြမ်းကြောင့် ဆန္ဒပြပွဲတွေ စတင်ပေါ်ပေါက်ခဲ့ပါတယ်။
DVB
0 comments:
Post a Comment