ဆီးရီးယားနိုင်ငံ အနောက်မြောက်ပိုင်း အစ်ဒလစ်ပြည်နယ်က ဗျူဟာမြောက် ခန်းရှိတ်ခွန်းမြို့ကို သြဂုတ် ၂၀ ရက်နေ့မှာ အစိုးရစစ်တပ်တွေက ပြန်သိမ်းယူဖို့ ကြိုးပမ်းနေပါတယ်။
အဲဒီမြို့ဟာ ၂၀၁၄ ခုနှစ်ကတည်းက ဆီးရီးယား သူပုန်တွေလက် ကျရောက်ခဲ့ပြီး ရုရှား ကျောထောက်နောက်ခံပြု အစိုးရထိုးစစ်ကြောင့် သြဂုတ် ၁၉ ရက် ညမှာပဲ သူပုန်တွေဟာ အဲဒီမြို့ကနေ ဆုတ်ခွာခဲ့ပါတယ်။ ဒါပေမယ့် အဓိက သူပုန်အဖွဲ့ကတော့ မြို့ထဲမှာ ဆက်တိုက်နေပါတယ်။
အစိုးရတပ်တွေက ခန်းရှိတ်ခွန်းမြို့ကို ဖြတ်သွားတဲ့ အဝေးပြေးလမ်းမကြီးကို သိမ်းပိုက်ပြီး ထိန်းချုပ်မှုကို ပိုမိုချဲ့ထွင်လိုက်တယ်လို့ နိုင်ငံပိုင်သတင်းဌာနက ကြေညာပါတယ်။
ခန်းရှိတ်ခွန်းကို ပြန်သိမ်းပိုက်တာဟာ သမ္မတ အာဆတ်အနေနဲ့ နိုင်ငံအနောက်မြောက်ပိုင်းဒေသကို ပြန်ထိန်းချုပ်ဖို့ အရေးပါတဲ့ ခြေလှမ်းတရပ်ဖြစ်ပါတယ်။
အာဆတ်ဟာ ဆီးရီးယားပိုင်နက်နယ်မြေကို တလက်မ မကျန် ပြန်သိမ်းဖို့ ကြိုးပမ်းနေပြီး ဆီးရီးယားပိုင်နက်အတွင်း တူရကီတပ်ဖွဲ့ဝင်တွေ ခြေချတာ အပါအဝင် အခြေအနေ အရှုပ်အထွေးတွေ ဖြစ်ပေါ်နေတယ်လို့ ရိုက်တာသတင်းက ဖော်ပြပါတယ်။
#DVB #readmore #နိုင်ငံတကာသတင်း #ဆီးရီးယား
0 comments:
Post a Comment