YBS ဘတ်စ်ကား ယာဉ်မောင်း၅၂၀၀ကျော်ကို စက်တင်ဘာလကုန်နောက်ဆုံးထားကာ စမတ်ကတ်တွေထုတ်ပေးပြီး ထိန်းချုပ်ရေးဗဟိုဌာနကနေ စည်းကမ်းထိန်းသိမ်းသွားဖို့ရှိနေပါတယ်။
ရန်ကုန်တိုင်းဒေသကြီးသယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့ YRTA ကြီးကြပ်မှုအောက်က YBS ယာဉ်လိုင်းတွေမှာ မောင်းနှင်နေတဲ့ ယာဉ်မောင်းတွေကို ဇွန်လက စပြီး စမတ်ကတ်တွေ စထုတ်ပေးခဲ့တာပါ။
လက်ရှိမှာ ကုမ္ပဏီနဲ့ အဖွဲ့ ၁၂ခုက ယာဉ်မောင်း ၃၂၀၀ကျော်ကို ထုတ်ပေးခဲ့ပြီး ကျန်ရှိနေတဲ့ ယာဉ်မောင်းတွေကိုတော့ စက်တင်ဘာလကုန်နောက်ဆုံးထားပြီး ထုတ်ပေးသွားမယ်လို့ YRTA တာဝန်ရှိသူက ပြောပါတယ်။
YBS ယာဉ်မောင်းအားလုံးကို စမတ်ကတ်တွေထုတ်ပေးပြီးရင်တော့ Yangon Bus Operator ရဲ့ Control Center ကနေ စည်းကမ်း ကြပ်မတ်သွားမယ်လို့ ဆိုပါတယ်။
မထသကိုဖျက်သိမ်းပြီး YBS ယာဉ်လိုင်းတွေကို ၂၀၁၇ ဇန်နဝါရီလမှာ စတင်ပြေးဆွဲခဲ့ပြီး နေ့စဉ် ခရီးသည် ၁.၉သန်းလောက် စီးနင်းနေပါတယ်။
လက်ရှိမှာတော့ YBS ယာဉ်လိုင်း၁၀၀ကျော်ကို ယာဉ်စီးရေ ၄၅၀၀ လောက်နဲ့ ကုမ္ပဏီ၁၈ခု ၊ အစုအဖွဲ့၇ခုတို့ကတာဝန်ယူပြေးဆွဲနေပါတယ်။
DVB
0 comments:
Post a Comment