ေညာင္​​ေရႊၿမိဳ႕နယ္​ နန္းပန္​ေက်းရြာကို ၿမိဳ႕အျဖစ္ တိုးခ်ဲ႕အဆင့္ျမႇင့္တင္​​မည္

ညောင်ရွှေမြို့နယ် အင်းလေးဒေသ နန်းပန်ကျေးရွာအုပ်စုကို ရပ်​ကွက်​ ၄ ခုဖြင့် မြို့အဖြစ်​ မကြာခင် တိုးချဲ့အဆင့်မြှင့်တင်သွားမယ်​လို့ သိရပါတယ်​။

မြို့အဖြစ်​သတ်​မှတ်​​ပေးဖို့ ​ဒေသခံ​တွေက နိုင်​ငံ​တော်​သမ္မတထံ တင်​ပြ​တောင်းဆိုပြီး ပြည်​သူ့လွှတ်​​တော်​ကိုယ်​စားလှယ်​ကလည်း ​လွှတ်​​တော်​မှာကြယ်​ပွင့်ပြ​မေးခွန်း ​မေးမြန်းခြင်း​တွေ ကြောင့် မြို့သတ်​မှတ်​ဖို့ အစိုးရအဖွဲ့များက ကွင်းဆင်းစစ်​​ဆေးပြီးပြီ လို့ ရှမ်းပြည်​နယ်​အစိုးရအဖွဲ့ အတွင်း​ရေးမှူး ဦးစိုးစိုး​ဇော်​က ပြောပါတယ်။

နန်း​ပန်ရွာကို မြို့အင်္ဂါဖြစ်​တဲ့ ရဲစခန်း၊ ကုတင် ၅၀ ​ဆေးရုံ၊ ​ကျေးလက်​ကျန်းမာ​ရေး၊ မြို့ပိုင်​ရုံး​မြေ​နေရာ၊ မီးသတ်စခန်း၊ အထက ခွဲ စာသင်​​ကျောင်းနဲ့​ စျေး​တွေရှိထားပြီး လမ်းကိုလည်း တိုးချဲ့လုပ်​​ဆောင်​သွားမယ်​လို့ မြို့ရရှိ​ရေး​ကော်​မတီ အတွင်း​ရေးမှူး ဦး​အောင်​ကြည်​ဝင်းက ပြောပါတယ်။

နန်း​ပန်​​ကျေးရွာအုပ်​စုကို ကုန်းတဝက်​​ရေတဝက်​ တည်​ထားတာဖြစ်​ပြီး ​ကျေးရွာ သုံးရွာ​ပေါင်းပြီး တရပ်​ကွက်​ဖွဲ့စည်းလိုက်​တာပါ။

နန်းပန်ကျေးရွာ၊ ကုန်းကယ်ကျေးရွာ၊ ကြာတောကျေးရွာက ရပ်ကွက် ၁၊ ပေါက်ပါကျေးရွာ၊ ရေလယ်ကျေးရွာကို ရပ်ကွက် ၂၊ စျေးပါကျေးရွာ၊ စျေးကုန်းကျေးရွာ၊ နောက်ကန်​ကျေးရွာ​​တွေကို ရပ်ကွက် ၃၊ သရက်ပင်၊ မန်ကျီးကုန်း၊ ရေတွင်းပက်ကျေးရွာ​တွေကို ရပ်ကွက် ၄ အဖြစ် ဖွဲ့စည်းလိုက်​တာပါ။

 နန်း​ပန်​​ကျေးရွာအုပ်​စုမှာ အိမ်​​ခြေ ၁ ထောင်​​ကျော်​ရှိပြီး လူဦး​ရေ ၅ ​ထောင်​​ကျော် ​ရှိတယ်​လို့သိရပါတယ်​။

နန်းပန်ဟာ ၁၉၅၉ ခုနှစ် စော်ဘွား​တွေ အာဏာစွန့်လွှတ်စဉ် အင်းလေးတောင်ပိုင်းဒေသကို နန်းပန်မြို့နယ်အဖြစ် ဖွဲ့စည်းခဲ့ပြီး ပြည်တွင်းမငြိမ်းချမ်းမှုတို့ကြောင့် နန်းပန်မြို့နယ်ကို မြို့နယ်အဆင့်မှ လျော့ချပြီး ညောင်ရွှေမြို့နယ်အတွင်း ထည့်​သွင်းဖွဲ့စည်းထားတာဖြစ်​ပါတယ်​။

ခွန်ရာဇာ

DVB