ဆောက်လုပ်ရေးနဲ့ ဘဏ်လုပ်ငန်းလုပ်ကိုင်သူတွေအပါအဝင် ကဏ္ဍပေါင်းစုံက ထိပ်သီး စီးပွားရေးလုပ်ငန်းရှင်တွေပါဝင်တဲ့ မြန်မာနိုင်ငံစီးပွားရေးလုပ်ငန်းရှင်များအသင်းကို ဖွဲ့စည်း တည်ထောင်လိုက်ပါတယ်။
လုပ်ငန်းရှင်တွေရဲ့ကျခဲ့တဲ့မျက်ရည်တွေကို စုစည်းတင်ပြဖို့အတွက် တော်ဝင်ဦးကိုကိုထွေး အပါအဝင် ရွှေသံလွင်ဦးကျော်ဝင်း ဦးဆောင်ပြီး မြန်မာနိုင်ငံ စီးပွားရေးလုပ်ငန်းရှင်များအသင်းကို ဖွဲ့စည်းတည်ထောင် ပေးထားတယ်လို့ အသင်းနာယက ဇေကမ္ဘာ ဦးခင်ရွှေက ပြောပါတယ်။
မြန်မာနိုင်ငံ စီးပွားရေးလုပ်ငန်းရှင်များ အသင်းမှာ လုပ်ငန်းရှင် မျိုးစုံပါဝင်တဲ့အပြင် ဆောက်လုပ်ရေး ကုမ္ပဏီလုပ်ငန်းတွေနဲ့ ဘဏ်လုပ်ငန်းရှင်တွေလည်းပါဝင်ပြီး လက်ရှိကြုံတွေ့နေ ရတဲ့ စီးပွားရေး လုပ်ငန်းရှင်တွေရဲ့ ချေးငွေတွေအတွက် အခက်အခဲတွေကို စုစည်းပြီး အစိုးရကို တင်ပြမယ်လို့ ဆိုပါတယ်။
မြန်မာနိုင်ငံမှာ ကုန်သည်စက်မှုအသင်းချုပ် UMFCCI အပြင် မြန်မာနိုင်ငံစီးပွားရေးလုပ်ငန်း ရှင်များအသင်းကို ထပ်မံ ဖွဲ့စည်းထားတာပါ။
DVB
0 comments:
Post a Comment