ကချင်ပြည်နယ် မိုးညှင်းခရိုင် အင်းတော်ကြီးမြို့ အောင်ချမ်းသာကျေးရွာ လယ်တောမှာ ၂ လောင်းပြိုင် လူသတ်မှု ဖြစ်ပွားခဲ့တယ်လို့ မိုးညှင်းရဲစခန်းက သိရပါတယ်။
အောင်ချမ်းသာကျေးရွာ နန့်ပလန်ကွင်းလယ် တောတဲမှာ လယ်ပိုင်ရှင် ဦးကျော်ထွန်းက လယ်စာရင်းငှား လင်မယား ၂ ဦးအသတ်ခံရကြောင်း သြဂုတ် ၂၂ ရက်မနက် ၇ နာရီကျော်လောက်မှာ ကျေးရွာတာဝန်ခံ ဦးသောင်းထွန်းကို အကြောင်းကြားခဲ့တာကြောင့် ချောင်းဝအုပ်ချုပ်ရေးမှုးအဖွဲ့နဲ့အတူ သွားရောက်စစ်ဆေးခဲ့တယ်လို့ ဆိုပါတယ်။
လယ်တဲပေါ်မှာ စာရင်းငှား ကိုမျိုးသင်းဦး (၃၃ နှစ်) သေဆုံးနေပြီး လယ်တဲအနောက်မြောက်ဘက် မြေပြင်ပေါ်မှာတော့ ဇနီးဖြစ်သူ သီတာအေး (၃၃ နှစ်) သေဆုံးနေတာကို တွေ့ရတာပါ။
ရုပ်အလောင်းတွေကို လုံးတုံရဲစခန်း ပို့ဆောင်စစ်ဆေးခဲ့ရာမှာ ဓား၊ သေနတ် ဒဏ်ရာတွေနဲ့ သေဆုံးခဲ့တာတွေ့ရလို့ တရားခံ (ဖမ်းမမိသေး) ကို လူသတ်မှုပုဒ်မ ၃၀၂ အမှုကြီးအမှတ်စဉ် ၄/၂၀၁၉ နဲ့ အမှုဖွင့်စုံစမ်းနေတယ်လို့ သိရပါတယ်။
DVB
0 comments:
Post a Comment