ကရင်ပြည်နယ်မှာ ရေကြီးရေလျှံနေလို့ ဘားအံမှာ ရေဘေးကယ်ဆယ်ရေးစခန်း ၆ ခုဖွင့်ထားပြီး ကျောင်း ၂၀ ပိတ်ထားရပါတယ်။
ဘားအံမြို့မှာ သံလွင်မြစ်ရေဟာ ဒီနေ့ နေ့လယ် ၁၂ နာရီအချိန်မှာ စိုးရိမ်ရေမှတ် ၇၅၀ စင်တီမီတာအထက်ကျော်ပြီး ၈၂၇ စင်တီမီတာကို ရောက်နေပါတယ်။
မြို့ပေါ်ရပ်ကွက်တချို့မှာ ရေကြီးရေလျှံ ဖြစ်နေတာကြောင့် ဒီမနက်ပိုင်းကစပြီး ရေဘေးကယ်ဆယ်ရေးစခန်းတွေ ဖွင့်ထားသလို ပြည်နယ်ဝန်ကြီးချုပ်ကလည်း ရေကြီးတဲ့နေရာတွေကို သွားရောက်ကြည့်ရှုခဲ့တယ်လို့ ပြည်နယ်အစိုးရက သတင်းထုတ်ပြန်ပါတယ်။
ကရင်ပြည်နယ် ဝန်ကြီးချုပ် ဒေါ်နန်းခင်ထွေးမြင့်က ῝အန်တီတို့က သဘာဝဘေးနဲ့ပတ်သက်ပြီး နှစ်တိုင်းကို ပြင်ဆင်ထားတယ်။ မနှစ်က ပိုပြီး ရေကြီးတော့ အရင်နှစ်တွေနဲ့နှိုင်းယှဉ်ရင် ဒီနှစ်ကို ပိုပြီးတော့ ဂရုတစိုက်နဲ့ ပြင်ဆင်ထားတယ်၊ သံလွင်မြစ်ကြောင်းသာ ဖော်နိုင်မယ်ဆိုရင် ရေစီးရေလာ မှန်သွားပြီးတော့ ဒီလောက်ရေကြီးရေလျှံမှုတွေ ဖြစ်လာနိုင်တော့မှာ မဟုတ်ပါဘူး၊ ရေဘေးရှောင်စခန်းက ဒီနေ့မှ စပြီးတော့ ဖွင့်တာပါ။ စီမံချက်တွေ ရေးဆွဲထားပြီးတော့ အားလုံးက အဆင်သင့်ပါပဲ” လို့ ပြောပါတယ်။
လိုအပ်ရင် ကယ်ဆယ်ရေးစခန်းတွေ ထပ်ဖွင့်မှာဖြစ်ပြီး အခြေခံပညာကျောင်း ၂၀ ကိုလည်း ပိတ်ထားရပါတယ်။ ဒါပေမယ့် လမ်းပန်းအဆက်အသွယ်တော့ မပြတ်ဘူးလို့ ပြည်နယ်အစိုးရက ဆိုပါတယ်။
DVB
0 comments:
Post a Comment