ရခိုင်ပြည်နယ် မောင်တောမြို့မှာ သြဂုတ် ၂၅ ရက်နေ့ ည ၈ နာရီ ကျော်လောက်က မိုင်း ၂ လုံး ပေါက်ကွဲခဲ့တယ်လို့ မောင်တောခရိုင် အထွေထွေအုပ်ချုပ်ရေးမှူး ဦးစိုးအောင်က အတည်ပြု ပြောကြားပါတယ်။
“၃ လုံးမဟုတ်ပါဘူး။ ၂ လုံးပါ စစ်တပ် ယာဉ်တန်းကျော်ပြီးမှ ကွဲတာပါ။ ထိခိုက်မှုတော့ မရှိပါဘူး။ ဘယ်သူထောင်တာလဲဆိုတော့ အေအေအဖွဲ့ပေါ့ဗျာ။ အာဆာကတော့ ဒီနေရာကို ရောက်မလာနိုင်ပါဘူး။ လက်ရှိ လုံခြုံရေးအနေအထားက ပုံမှန်ဆောင်ရွက်လျက်ပါ”လို့ ပြောပါတယ်။
မိုင်းပေါက်ကွဲတာနဲ့ပတ်သတ်ပြီး ရခိုင်တပ်မတော် အေအေဘက်ကို ဖုန်းဆက်သွယ် မေးမြန်းခဲ့ပေမယ့် ဆက်သွယ်မှု မရရှိခဲ့ပါဘူး။
ကိုယ်တွေ့ကြုံခဲ့ရတဲ့ ကိုမဲ့မောင်ကတော့ “ကျနော့်ကားက အငူမော်က ပြန်လာတာပါ။ ၃ မိုင်အရောက်မှာ စစ်တပ်က ကား ၁၀ စီးလောက် တန်းပြီးရပ်တန့်ထားပါတယ်။ အချိန်ကလည်း ၈ နာရီကျော်ပြီဆိုတော ၁၄၄ ညမထွက်ရအမိန့်နဲ့ လမ်းကိုဖြတ်သွားခွင့်မရမှာစိုးပြီး စစ်တပ်က ကားတန်းကို ကျော်တက်ပြီး ကားကို မောင်းလာခဲ့ပါတယ်။ ၃ မိုင်စစ်ဆေးရေးဂိတ် အလွန် တံတားငယ်အနားရောက်တဲ့အချိန်မှာ ညာဘက်က တလုံးစပေါက်တယ်။ ကားကို ဘယ်ဘက်ကို ဆွဲမောင်းတော့ ဘယ်ဘက်က ၂ လုံး ဆက် ပေါက်ပြန်တယ်။ ပြင်းအားနည်းတော့ ကားက ဘာမှထိခိုက်မူမရှိခဲ့ပါဘူး။ ကားကို ဘူးသီးတောင်အရောက် အမြန်ဆုံးမောင်းလာခဲ့ပါတယ်။ ဒီမိုင်းက စစ်တပ်ကားတန်းကို မိုင်းဆွဲဖို့ ကြံရွယ်ထားတာလည်း ဖြစ်နိုင်ပါတယ်။ စစ်တပ်ကားတန်း ကို ကျနော့်ကားက ကျော်လာတော့ စစ်တပ်ကားထင်ပြီးဖောက်တာဖြစ်နိုင်တယ်။ နောက်တခုက စစ်တပ်ကားတန်းက မိုင်းပေါက်မှာကိုကြိုသိလို့ ကားတွေကို ရပ်တန့်ထားတာလည်း ဖြစ်နိုင်ပါတယ်” လို့ ပြောကြားပါတယ်။
အခုပေါက်ကွဲတဲ့နေရာဟာ ၃ မိုင် နယ်ခြားစောင့် စစ်ဆေးရေးဂိတ်နဲ့ နယ်ခြားစောင့် တပ်ဖွဲ့ခွဲ (နခခ ၂) တပ်ရင်းကြားမှာ ဖြစ်ပါတယ်။
မောင်တောမြို့နယ် ဗောဓိကုန်းနဲ့ ရွှေရင်အေးကျေးရွာကြား သြဂုတ် ၁၆ ရက်နေ့ နေ့လယ် ၁ နာရီ ၅၀ လောက်က မိုင်းဗုံးတလုံးပေါက်က်ကွဲခဲ့သလို ဩဂုတ် ၁၁ ရက်နေ့ကလည်း မောင်တောမြို့နယ်တောင်ပိုင်း ရွှေရင်အေးကျေးရွာအနီး မောင်တောအငူမော်ကားလမ်းမပေါ်မှာ မိုင်းတလုံးပေါက်ကွဲခဲ့ပါသေးတယ်။
ပြီးခဲ့တဲ့ ၂ နှစ် သြဂုတ်လ ၂၅ ရက်နေ့က မောင်တောမြို့နယ်ရှိ နယ်ခြားစောင့် စခန်း ၃၀ ကျော်ကို တပြိုင်နက် တိုက်ခိုက်ခဲ့တာကြောင့် အခု ၂၀၁၉ သြဂုတ်လ ၂၅ နေ့မှာလည်း မိုင်း ၂ လုံး ပေါက်ကွဲတာကြောင့် မောင်တောဒေသခံတွေ စိုးရိမ်နေကြပါတယ်။
ကောင်းကောင်း
DVB
0 comments:
Post a Comment