စစ်တပ်ထောက်ခံသူများက ဖေဖော်ဝါရီ ၁ ရက်နေ့တွင် ဒီမိုကရေစီဆန့်ကျင်ရေး ဆန္ဒပြမှုများပြုလုပ်မည် ဖြစ်သဖြင့် အမေရိကန်နိုင်ငံသားများ သတိပြုသွားလာရန် မြန်မာနိုင်ငံဆိုင်ရာ အမေရိကန်သံရုံးမှ ဇန်နဝါရီ ၂၇ ရက်စွဲဖြင့် သတိပေးချက် ထုတ်ပြန်ထားသည်။
ထုတ်ပြန်ချက်တွင် စစ်အစိုးရလိုလားသည်သူများသည် ဖေဖော်ဝါရီ ၁ ရက် နေ့လယ် ၁၂ နာရီမှ ညနေ ၄ နာရီအထိ ရန်ကုန်မြို့၊သမ္မတ ရုပ်ရှင်ရုံ၌ စုဝေးကာ၊ မဟာဗန္ဓုလ ပန်းခြံသို့ ချီတက်မည်ဖြစ်သည်ဟု ရေးသာထားသည်။
အဆိုပါ စစ်အစိုးရလိုလားသူများသည် အင်အား ၂၀၀၀ ကျော်ဖြင့် ဒီမိုကရေစီဆန့်ကျင်ရေး မိန့်ခွန်းများ ဟောပြောမည့်အပြင် ယာဉ်ကြောပိတ်ဆို့မှုများ ဖြစ်ပွားနိုင်သည်ဟု ခန့်မှန်းရကြောင်း ထုတ်ပြန်ချက်တွင် ဆိုထားသည်။
ယင်းကဲ့သို့ ဆန္ဒပြမှုတွင် တိုက်ခိုက်မှု၊ ပေါက်ကွဲမှုများ ဖြစ်လာနိုင်ခြေ ရှိသည့်အတွက် သတိရှိရှိ နေထိုင်ကြရန် အမေရိကန်နိုင်ငံသားများအား မြန်မာနိုင်ငံဆိုင်ရာ အမေရိကန်သံရုံးက အသိပေးထားသည်။
ဖေဖော်ဝါရီ ၁ ရက်သည် မြန်မာနိုင်ငံတွင် ဒီမိုကရေစီ နည်းကျ ရွေးကောက် တင်မြှောက်ထားသည့် အစိုးရ ဖြုတ်ချခံရသည့် ၂ နှစ်ပြည့် အထိမ်းအမှတ်ဖြစ်ပြီး၊ ရည်အနည်းငယ်အတွင်း အစိုးရ ဆန့်ကျင်ရေး လှုပ်ရှားမှုနှင့် အကြမ်းဖက်မှုများ တိုးလာနိုင်သည့် အလားအလာများ ရှိနေကြောင်းလည်း မြန်မာနိုင်ငံဆိုင်ရ အမေရိကန်သံရုံးက ဆိုထား သည်။
ထို့ကြောင့် မြန်မာနိုင်ငံရောက် အမေရိကန် နိုင်ငံသားများအနေဖြင့် အစားအစာ၊ ရေနှင့် ဆေးဝါးကဲ့သို့ အရေးကြီး အထောက်အပံ့ပစ္စည်းများကို ထားရှိရန်၊ ကိုယ်ရေးကိုယ်တာ လုံခြုံရေး အစီအစဉ်များကို US အစိုးရအား အားမကိုးဘဲ အရေးပေါ် အခြေအနေ စီစဉ်ထားရန် မြန်မာနိုင်ငံဆိုင်ရာ အမေရိကန်သံရုံးက တိုက်တွန်းထားသည်။
လင်းခိုင်
CJ Platform
0 comments:
Post a Comment