ထိုင်းကို တရားမဝင် ဝင်ရောက်လာတဲ့ ကလေးငယ်တွေအပါအဝင် မြန်မာ ၉၄ ဦး ကိုဖမ်းဆီးလိုက်တယ်လို့ ထိုင်းတပ်မတော်ပြည်သူ့ဆက်ဆံရေးဌာနက ဖော်ပြ ထားပါတယ်။
ဇန်နဝါရီ ၂၉ ရက်နေ့က တနင်္သာရီတိုင်း ထားဝယ်ခရိုင်နှင့် နယ်ချင်းထိစပ်နေသည့်ထိုင်းနိုင်ငံ၊ကန် ချနာဘူရီခရိုင် အတွင်းသို့ နယ်စပ်တောလမ်းများမှတစ်ဆင့် တရားမဝင် ဝင်ရောက်လာတဲ့ ကလေးငယ် ၉ ဦးအပါအဝင် မြန်မာနိုင်ငံသား ၉၄ ဦးနဲ့ ပွဲစား ၁ ဦးတို့ကို ဖမ်းဆီးမိတာလို့ ဖော်ပြထားပါ တယ်။
ယင်းတို့သည် ပွဲစားခအဖြစ် ၁ ဦးကို ဘတ် ၂၀၀၀၀ ကနေ ၃၀၀၀၀ ကြားပေးခဲ့ရပြီး ရန်ကုန်၊ ပဲခူး၊ရခိုင်နှင့် မော်လမြိုင်တို့က လာရောက်ကြသူတွေဖြစ်တယ်လို့လည်း ထွက်ဆို ကြတယ်လို့ သတင်းမှာ ဖော်ပြထားပါတယ်။
ဖမ်းဆီးခံရတဲ့မြန်မာတွေကထိုင်းနိုင်ငံစမွတ်စခေါင်၊ရယောင်း၊ကန်ကျနဘုရီနဲ့ဘန်ကောက်မြို့ တို့ကို သွားရောက်ကြမှာဖြစ်တယ်လို့လည်း ယင်းတို့ ထွက်ဆိုကြတယ်လို့ ဖော်ပြထားပါတယ်။
လက်ရှိမှာတော့ဖမ်းမိတဲ့ မြန်မာတွေကို ကန်ချနာဘူရီရဲစခန်းတွင် ထိန်းသိမ်းထားပြီးဥပဒေအရ ဆောင်ရွက်ရန်စီစဉ်နေတယ်လို့ သတင်းမှာ ဖော်ပြ ထားပါတယ်။
MyanmaPlatform
0 comments:
Post a Comment