မွန်းပြည်နယ်၊ဘီးလင်းမြို့နယ်၊ ဇုတ်သုတ်စံပြကျေးရွာရှိ ကျိုက်ထီးဆောင်းဆံတော်ရှင်စေတီတော်မြတ်ကြီးဝင်းအတွင်း၌ သုဝဏ္ဏဘူမိ ဂဝံယဥ်ကျေးမှုပြတိုက်အား ဇန်နဝါရီ ၈ ရက်နံနက်ပိုင်းက ဖွင့်လှစ်ခဲ့သည်။
ထို့နောက် ဂဝံယဥ်ကျေးမှုပြတိုက်အတွင်း သီတင်းသုံးပြသထားသည့် ဗုဒ္ဓရုပ်ပွားတော်မြတ်များအား ဆရာတော်များမှ ဗုဒ္ဓဘိသေကအနေကဇာတင်ခဲ့ကြသည်။
ထို့ပြင် နိုင်ငံတော်သံဃာ့မဟာနာယက မရမ်းချိုဆရာတော်ထံမှဧည့်ပရိသတ်များက ၉ ပါးသီလခံယူ၍ နိုင်ငံတော်ပရိယတ္တိသာသနာ့တက္ကသိုလ် ပါမောက္ခချုပ်ဆရာတော် ဘဒ္ဒန္တကုမာရက သုဝဏ္ဏဘူမိသမိုင်းကြောင်းအား မိန့်ကြားတော်မူခဲ့သည်။
ထို့နောက် ကျိုက်ထီးဆောင်းဒုတိယဒီပဆရာ တော်ဒေါက်တာဘဒ္ဒန္တ နာဂဒီပက ကျိုက်ထီးဆောင်းဆံတော်ရှင်သုဝဏ္ဏဘူမိ ဂဝံယဉ်ကျေးမှုပြတိုက်တည်ဆောက်ရခြင်းအကြောင်းအား မိန့်ကြားတော်မူခဲ့သည်။
ထို့အတူ နိုင်ငံတော်သံဃာ့မဟာနာယက လှည်းကူးဆရာတော်မှ သုဝဏ္ဏဘူမိ ဂဝံယဉ်ကျေးမှုပြတိုက်ဖွင့်လှစ်ခြင်း၏ အကျိုးကျေးဇူးနှင့်နိုင်ငံတော်ပရိယတ္တိသာသနာ့တက္ကသိုလ် ဒု-ပါမောက္ခချုပ်ဆရာတော်က သုဝဏ္ဏဘူမိ ဂဝံယဉ်ကျေးမှု ပြတိုက် ဖွင့်လှစ်နိုင်ခြင်းကို ဝမ်းမြောက်ကြောင်း မိန့်ကြားတော်မူခဲ့ကြသည်။
Popular
0 comments:
Post a Comment