ရန်ကုန်တိုင်းဒေသကြီးအတွင်း ကျပ်ခြောက်ဘီလျံနှင့် ဒေါ်လာ ၁၀ သန်းကျော် တန်ဖိုးရှိ ပြည်တွင်း၊ ပြည်ပ ရင်းနှီးမြှုပ်နှံမှုလုပ်ငန်း ၁၀ ခုကို ခွင့်ပြုပေးခဲ့ပြီး အလုပ်အကိုင်အခွင့်အလမ်း ၄,၃၀၀ ကျော် ဖန်တီးပေးနိုင်မည်ဖြစ်ကြောင်း သိရသည်။
ဇန်နဝါရီ ၂၅ ရက်တွင် ပြုလုပ်သည့် ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီ၏ (၁/၂၀၂၃) အစည်းအဝေးတွင် ရန်ကုန်တိုင်းဒေသကြီးအတွင်း ကျပ်ခြောက်ဘီလျံတန်ဖိုးရှိ မြန်မာနိုင်ငံသား ရင်းနှီးမြှုပ်နှံမှုလုပ်ငန်းတစ်ခုနှင့် ဒေါ်လာ ၁၀ ဒသမ ၅၅၄ သန်း တန်ဖိုးရှိ နိုင်ငံခြားရင်းနှီးမြှုပ်နှံမှုလုပ်ငန်း ၉ ခု စုစုပေါင်း ပြည်တွင်း ပြည်ပ ရင်းနှီးမြှုပ်နှံမှုလုပ်ငန်း ၁၀ ခုကို အတည်ပြုပေးခဲ့ခြင်းဖြစ်သည်။
ယင်းကဲ့သို့ အတည်ပြုပေးခဲ့သည့် ပြည်တွင်း၊ ပြည်ပ ရင်းနှီးမြှုပ်နှံမှုလုပ်ငန်း ၁၀ ခုမှ ပြည်တွင်းရှိ အလုပ်သမားများဦးရေ ၄,၃၀၀ ကျော်အတွက် အလုပ်အကိုင်အခွင့်အလမ်းများ ဖန်တီးပေးနိုင်မည်ဖြစ်သည်။
ထို့ပြင် ရန်ကုန်တိုင်းဒေသကြီးအတွင်း လုပ်ကိုင်လျက်ရှိသော ကုမ္ပဏီများက တင်ပြလာသည့် အထွေထွေကိစ္စရပ်များနှင့် မတည်ငွေရင်းပမာဏ ဒေါ်လာ ၁ ဒသမ ၇ သန်း တိုးမြှင့်ခွင့်များကိုလည်း ဆွေးနွေးဆုံးဖြတ်ခဲ့ကြောင်း သိရသည်။
0 comments:
Post a Comment