ကလေးမုဒိန်းမှုကျူးလွန်ခဲ့ဖူးတဲ့ ဘုန်းတော်ကြီးတွေအနေနဲ့ မိမိတို့ဖာသာ သွားဝန်ခံပြီး အဖမ်းခံကြပါရန် ဒီဇင်ဘာ ၂၁ သောကြာနေ့မှာ ပုပ်ရဟန်းမင်းကြီးက တိုက်တွန်းလိုက်တယ်လို့ သိရပါတယ်။ “ အရွယ်မရောက်သေးသူတွေကို အဓမ္မပြုကျင့်ဖူးတဲ့ အမှုဆောင်တွေအနေနဲ့ မိမိတို့ဖာသာသိက္ခာဘွဲ့ချပြီး လောကီတရားရေးမှာ အစီရင်ခံလိုက်ကြပါ။ ပြီးရင် ဘုရားသခင် ရှေ့မှောက်မှာ စီရင်ဆုံးဖြတ်ခံရန် ပြင်ဆင်ထားကြပါလို့ ကျွန်ုပ်ပြောချင်ပါတယ်”ဟု ဗာတီကန် သာသနာရေးဦးစီးရဲ့ခရစ္စမတ်မိန့်ခွန်းမှာ ပြောကြားခဲ့ပါတယ်။
ရိုမန်ကက်သလစ်အသင်းတော်အတွက် အကြပ်ရိုက်နေတဲ့ ကလေးသူငယ် အဓမ္မပြုကျင့်မှုတွေအပေါ် ပုပ်ရဟန်းမင်းကြီးရဲ့ပြောကြားချက်တွေထဲမှာ ယခုတိုက်တွန်းချက်ဟာ အပြင်းထန်ဆုံးဖြစ်ပါတယ်။
ယခင်ခရစ္စမတ်မိန့်ခွန်းတွေမှာတော့ ၄င်းအမှုမျိုးတွေနဲ့ပတ်သက်ပြီး ရှုတ်ချကြောင်းသာ ပြောကြားခဲ့ပေမယ့် ယခုမှာတော့ ထိုသို့တိုက်တွန်းလိုက်တဲ့အပြင် ယခင်တုန်းကအမှားမျိုး ထပ်မကျုးလွန်တော့ဘူးလို့ ဆိုလိုက်ပါတယ်။
ထိုသို့အဓမ္မပြုကျင့်မှုတွေနဲ့ပတ်သက်ပြီး လာမယ့်နှစ် ဖေဖေါ်ဝါရီ ၂၁-၂၄ ဗာတီကန်မှာ စည်းဝေးကြားနာဆုံးဖြတ်ဖို့အတွက် နိုင်ငံပေါင်း ၁၁၀ က ကက်သလစ် ဘစ်ရှော့တွေ၊ အခြားအသင်းတော်တွေရဲ့ ခေါင်းဆောင်တွေ၊ ကျွမ်းကျင်သူတွေကို ပုပ်ရဟန်းမင်းကြီးက ဆင့်ခေါ်ထားတယ်လို့ သိရပါတယ်။
ZHO (အကုန်သိ သတင်းဌာန)
0 comments:
Post a Comment