ရိုက်တာသတင်းထောက်နှစ်ဦးအား လုံခြုံရေးဆိုင်ရာ စာရွက်စာတမ်းများပေး၍ ထောင်ခြောက်ဆင်ဖမ်းရန် အထက်မှအမိန့်ပေးခဲ့ကြောင်း တရားရုံးတွင်ထွက်ဆိုခဲ့သည့် ဒုရဲမှူးဟောင်း မိုးရန်နိုင်မှာ လာမည့် ဇန်နဝါရီ ၂ ရက်နေ့တွင် ပြန်လည်လွတ်မြောက်လာနိုင်ကြောင်း ၄င်း၏ဇနီးဖြစ်သူ ဒေါ်တူးမာက The Ladies သို့အတည်ပြုပြောဆိုသည်။
သတင်းထောက်နှစ်ဦးအား ထောင်ခြောက်ဆင်ဖမ်းဆီးခဲ့ကြောင်းတရားခွင်အတွင်းထွက်ဆိုခဲ့သည့် ဒုရဲမှူးဟောင်း မိုးရန်နိုင်အား ပြီးခဲ့သည့်နှစ်ဒီဇင်ဘာ ၂၈ ရက်က ထောင်ဒဏ်တစ်နှစ်ချမှတ်ခဲ့ပြီး လွတ်ရက်စေ့တော့မည်ဖြစ်ကြောင်း ဒေါ်တူးမာက ပြောသည်။
"ပြီးခဲ့တဲ့နေ့ကထောင်ဝင်စာသွားတွေ့တော့ လာမယ့် ၂ရက်နေ့တော့ လွတ်နိုင်တယ်လို့ ပြောတယ်။ ကျန်တာတော့ ဘာမှမပြောဘူးရှင့်။ သူ လွတ်မယ်လို့တော့ ပြောတယ်ရှင့်။လွတ်မယ့်အချိန်တွေ၊ လွတ်မယ့်ပုံစံတွေတော့ အဲဒါတွေ မပြောဘူးရှင့်။ ၂ရက်နေ့လွတ်မယ်ပဲ ပြောတယ်"ဟု ၄င်းက ပြောသည်။
ရိုက်တာသတင်းထောက် ၂ ဦးအမှုတွင် ဒုရဲမှူးဟောင်း မိုးရန်နိုင်မှာ တရားလိုပြသက်သေအဖြစ်ပါဝင်ခဲ့သူဖြစ်သော်လည်း မယုံကြည်ရသောသက်သေအဖြစ် တရားလိုရှေ့နေ၏တင်သွင်းခြင်းခံခဲ့ရသူဖြစ်ပြီး ရဲစည်းကမ်းဖောက်ဖျက်မှုဖြင့် ထောင်ဒဏ် ၁ နှစ်ချမှတ်ခံခဲ့ရသည်။
ဒုရဲမှူးဟောင်းမိုးရန်နိုင်မှာ လွတ်လပ်စွာရေးသားထုတ် ဖော်ပြောဆိုခွင့်အပေါ် ထူးချွန်စွာကာကွယ်နိုင်သူအဖြစ် ဂုဏ်ပြုဆုကို Pen Myanmar အဖွဲ့ က ဒီဇင်ဘာ ၂၂ ရက်နေ့တွင် ချီးမြှင့်ခဲ့သည်။
သောင်းဟန်
The Ladies News
0 comments:
Post a Comment